ڈسکہ اور گوجرانوالہ میں حکومت کی نتائج روک کر اپنے امیدواروں کو جتوانے کی کوشش؟ تہلکہ خیز دعویٰ سامنے آگیا

ڈسکہ اور گوجرانوالہ میں حکومت کی نتائج روک کر اپنے امیدواروں کو جتوانے کی ...
ڈسکہ اور گوجرانوالہ میں حکومت کی نتائج روک کر اپنے امیدواروں کو جتوانے کی کوشش؟ تہلکہ خیز دعویٰ سامنے آگیا

  

ڈسکہ، گوجرانوالہ (ڈیلی پاکستان آن لائن) قومی اسمبلی کے حلقہ این اے 75 ڈسکہ اور پی پی 51 وزیر آباد میں نتائج روکے جانے کی اطلاعات موصول ہو رہی ہیں۔

صحافی طلعت حسین کی جانب سے ایک ٹویٹ  میں کہا گیا ہے کہ ڈسکہ اور گوجرانوالہ میں رزلٹ روک کر 2018 کے کرتوتوں کا آغاز کردیا گیا ہے۔ پولیس اور ’دوسرے ‘  عناصر سرگرم ہوچکے ہیں۔ انہوں نے دعویٰ کیا ہے کہ جو نوشہرہ  ہار گئے ہیں وہ اب پنجاب میں ہار کو جیت میں بدلنے پر مصر ہیں۔

دوسری جانب مسلم لیگ ن کی نائب صدر مریم نواز کا کہنا ہے کہ این اے 75 اور پی پی 51 کے رزلٹ روک دیے گئے ہیں ، ایک گھنٹے سے زائد وقت گزر گیا لیکن نتائج موصول نہیں ہو رہے ، یہ 2018 کی کہانی دہرائی جا رہی ہے۔

مریم نواز نے ایک اور ٹویٹ میں ان لوگوں کو دھمکی دی جو مبینہ طور پر نتائج تبدیل کر رہے ہیں اور کہا کہ انہیں اس کی بھاری قیمت چکانی پڑے گی۔

مزید :

Breaking News -قومی -