انتخابات مہنگا بزنس ، کیا پورا سال الیکشن الیکشن کھیلنے کے متحمل ہو سکتے ہیں : احسن اقبال
اسلام آباد (این این آئی) مسلم لیگ ن کے سیکرٹری جنرل اور وفاقی وزیر احسن اقبال نے کہاہے کہ انتخابات ایک مہنگا بزنس ہے جس پر اربوں روپے خرچ ہوتے ہیں کیا پورا سال الیکشن الیکشن کھیلنے کے متحمل ہوسکتے ہیں ایک انٹرویو میں انتخابات کے حوالے سے سوال پر انہوںنے کہاکہ متعلقہ فورمز نے معاشی و سکیورٹی صورتحال اور مردم شماری سمیت دیگر عوامل کو مدنظر انتخابات کے انعقاد کا فیصلہ کرنا ہے جب بھی انتخابات ہوں ، ہم انتخابات لڑنے کے لیے پوری طرح تیار ہیں ، ہم الیکشن لڑیں گے اور کامیاب ہوں گے انتخابات میں پی ٹی آئی کو عبرتناک شکست دیں گے عوام کو معلوم ہے کہ ملک کو مہنگائی کی دلدل میں کون پھینک کرگیا ہے عمران خان کو پہلے بھی اسمبلیاں نہ توڑنے کا خبردار کیا تھا عمران خان نے جلدبازی میں اسمبلیاں توڑ کر ملک میں بحران پیدا کرنے کی کوشش کی معاشی بحالی کے لیے آئی ایم ایف کے ساتھ بات چیت چل رہی ہے خیبرپختونخواہ کی حکومت نے سکیورٹی خدشات کا اظہار کیا ہے ملک میں نئی مردم شماری ہورہی ہے عمران خان خود فیصلہ کرکے گئے تھے کہ آئندہ انتخابات نئی مردم شماری پر ہوں گے ۔
احسن اقبال
