کراچی پولیس چیف کے دفتر پر حملہ, دہشتگردوں کی دوسری سی سی ٹی وی سامنے آگئی
کراچی (ویب ڈیسک) کراچی پولیس چیف کے دفتر پر حملے کے ملزمان کے پہنچنے کی دوسری سی سی ٹی وی فوٹیج بھی منظرعام پر آگئی ۔
بول نیوز کے مطابق گزشتہ روز کراچی پولیس چیف کے دفتر پر ہونے والے حملے سے قبل دوسری سی سی ٹی وی فوٹیج بھی سامنے آگئی۔سی سی ٹی وی فوٹیج میں دیکھا جاسکتا ہے کہ دہشت گرد شاہراہ فیصل پر واقع پیٹرول پمپ کے راستے سے کے پی او دفتر کی جانب داخل ہوئے، کار سوار دہشت گرد پیٹرول پمپ کے راستے اندرونی سڑک پرداخل ہونے کے بعد پولیس چیف آفس کی جانب مڑگئے۔
فوٹیج میں پولیس چیف آفس کیساتھ پیٹرول پمپ پر دہشتگردوں کی گاڑی کو آتے ہوئے دیکھا گیا ، دہشتگرد گاڑی کی ہیڈ لائٹس ہائی بیم پر آن کرکے باآسانی کے پی او کے عقب تک پہنچ گئے۔
