نواب یوسف تالپور انتقال کر گئے

  کراچی ( ڈیلی پاکستان آن لائن )پاکستان پیپلز پارٹی (پی پی پی) کے رہنما اور رکن قومی اسمبلی نواب یوسف تالپور انتقال کر گئے۔

نواب یوسف تالپور متعدد بار رکن قومی اسمبلی بنے،  شہید بےنظیر بھٹو کی کابینہ میں وفاقی وزیر بھی رہے۔"جنگ " کے مطابق وزیراعلیٰ سندھ مراد علی شاہ نے سینئر سیاستدان نواب یوسف تالپورکے انتقال پر دکھ کا اظہار کیا ہے اور کہا ہے کہ  نواب یوسف تالپور پارٹی کا اثاثہ تھے، ان کی خدمات ہمیشہ یاد رکھی جائیں گی۔ترجمان کا کہنا ہے کہ وزیر اعلیٰ مراد علی شاہ نے مرحوم کے اہلخانہ سے تعزیت کا اظہار کیا۔