"قمر جاوید باجوہ نے مارشل لاء کی پوری تیاری کرلی تھی لیکن آرمی چیف عاصم منیر نے جمہوریت کو چلنے دیا " فیصل واوڈا   نے نیا دعویٰ  کردیا

اسلام آباد (آئی این پی )سینیٹر فیصل واوڈا  نے دعویٰ کیا ہے کہ قمر جاوید باجوہ نے مارشل لاء کی پوری تیاری کرلی تھی۔

ایک نجی ٹی وی کے پروگرا  میں گفتگو کرتے ہوئے  سابق وفاقی وزیر  کا کہنا  تھا  کہ رجیم چینج جب ہورہی تھی تو اس وقت مارشل لا کی تیاری ہوگئی تھی، قمر باجوہ نے مارشل لاء  کی تیاری کرلی تھی۔انہوں نے کہا کہ آرمی چیف کو پی ٹی آئی نے روکنے کی بہت کوشش کی لیکن وہ اللہ کے حکم سے آرمی چیف بن گئے۔

فیصل واوڈا نے کہا کہ آرمی چیف عاصم منیر کے سامنے مارشل لاء  پلیٹ میں رکھا ہوا ملا لیکن انہوں نے جمہوریت کو چلنے دیا، اگر پی ٹی آئی سے بدلہ لینا ہوتا تو آرمی چیف کے لیے بہت ہی آسان تھا،  آرمی چیف اچھے نفیس انسان اور حفظ قرآن ہیں۔

فیصل واوڈا کا کہنا ہے کہ پیکا قانون حکومت نے بنایا ہے اور اس کی ذمہ داری لینی چاہیے، حکومت کو اپنا وزن اٹھانا پڑے گا ورنہ اس تاثر کے ساتھ آگے نہیں چل سکتے۔سینیٹر نے کہا کہ حکومت نے اپنے پیروں پر کھڑا ہونا ہے توکھڑی ہو کسی اور پر الزام نہ لگائے۔