”ہم تمہاری طرح گھٹیا نہیں“ جھنڈا تنازع پر بھارت کو جواب مل گیا

کراچی (ڈیلی پاکستان آن لائن )میڈیا اور یوٹیوبرز کے احتجاج کے باعث بھارتیوں کے جھنڈا نہ لگانے کے اعتراض کو بھی پاکستان نے ختم کردیا۔
روز نامہ امت کے مطابق گزشتہ روز بھارتی صحافی و سوشل میڈیا ایکسپرٹس پاکستان کی میزبانی میں ہونیوالی چیمپئینز ٹرافی میں سٹیڈیم میں بھارت کا جھنڈا نہ ہونے پر آگ بگولہ ہوگئے تھے۔
اس موقع پر نیشنل سٹیڈیم کراچی میں بھارت کے علاوہ تمام ٹیموں کے جھنڈے لگائے گئے ہیں تاہم انڈین میڈیا اور سوشل میڈیا ایکسپرٹس نے بھارت کا پرچم نہ لگانے پر پاکستان کرکٹ بورڈ (پی سی بی) کو تنقید کا نشانہ بنایا تھا۔
ادھر چیمپئینز ٹرافی کے انعقاد کو لیکر پاکستان مخالف پراپیگنڈا کرنیوالا بھارتی میڈیا اب افتتاحی تقریب میں اپنے ملک کا جھنڈا نہ ہونے پر تنقید کررہا تھا۔
سوشل میڈیا پلیٹ فارم پر ایک پاکستانی صحافی نے نیشنل سٹیڈیم کے اندر بھارتی ٹیم کے جھنڈے کی تصویر شیئر کرتے ہوئے کیپشن میں لکھا کہ کراچی کے نیشنل سٹیڈیم میں بھارت کا جھنڈا لہرا دیا گیا ہے، ہمارے دل بڑے ہیں، آپ کی طرح گھٹیا نہیں۔
انہوں نے کیپشن میں بھارتی یوٹیوبرز اور صحافیوں کو بتایا کہ پڑوسی ملک کی جانب سے چیمپئینز ٹرافی کی کوریج کیلئے درخواست کرنیوالے تمام 7 ہندوستانی صحافیوں کو ویزے جاری کردیے گئے ہیں۔