دکانداروں سے بھتہ لینے کے مجرم کو14سال قید بامشقت کا حکم سنا دیا گیا

دکانداروں سے بھتہ لینے کے مجرم کو14سال قید بامشقت کا حکم سنا دیا گیا
دکانداروں سے بھتہ لینے کے مجرم کو14سال قید بامشقت کا حکم سنا دیا گیا

  

لاہور(نامہ نگار)انسداد دہشت گردی کی خصوصی عدالت نے دکانداروں سے بھتہ لینے کے مقدمہ میںملوث مجرم محمد عاطف کو 14سال قید اور 2لاکھ روپے جرمانے کی سزا کا حکم سنا دیا ہے ۔

انسداد دہشت گردی کی خصوصی عدالت میں تھانہ غالب مارکیٹ نے محمد عاطف کے خلاف مارکیٹ کے دکانداروں سے بھتہ وصول کرنے کے الزام میں چالان پیش کیا تھا عدالت میں چالان آنے پر ڈپٹی پراسیکیوٹر وقار بھٹی نے ملزم کے خلاف بھتہ وصول کرنے کے ثبوت پیش کئے، عدالت نے گواہوں کے بیانات اور وکلا کی بحث کے بعد مذکورہ مجرم پر جرم ثابت ہونے پر اسے 14سال قید اور 20ہزارروپے جرمانے کی سزا کا حکم سنا دیا ہے ۔استغاثہ کے مطابق مجرم کے خلاف 2015ءمیں مقدمہ درج کیا گیا تھا۔

مزید : لاہور