صحت پر سمجھوتا نہیں ہوگا جس نے ہڑتال کرنی ہے کرلے، چیف جسٹس

صحت پر سمجھوتا نہیں ہوگا جس نے ہڑتال کرنی ہے کرلے، چیف جسٹس
صحت پر سمجھوتا نہیں ہوگا جس نے ہڑتال کرنی ہے کرلے، چیف جسٹس

  

اسلام آباد(ڈیلی پاکستان آن لائن) چیف جسٹس پاکستان جسٹس میاں ثاقب نثار نے کہا ہے کہ صحت کے معاملے میں سمجھوتا نہیں ہوگا لہٰذا جس نے ہڑتال کرنی ہے کرلے۔

چیف جسٹس پاکستان نے کٹاس راج از خود نوٹس کیس کی سماعت کی جس میں عدالت نے ہندو برادری کے مسائل پر رمیش کمار سے تحریری نکات طلب کرلیے۔

دوران سماعت چیف جسٹس نے ریمارکس دیئے کہ سی پیک اور دیگر ترقیاتی منصوبے چل رہے ہیں، ملک کو آنے والے دنوں میں سیمنٹ کی ضرورت ہوگی اس لئے فیکٹریاں بند کرکے سیمنٹ سیکٹر میں چینی جیسی صورتحال پیدا نہیں کرنا چاہتے،اس دوران عدالت عظمیٰ نے چکوال کی 4 سیمنٹ فیکٹریوں کو نوٹس جاری کر کردیئے۔

چیف جسٹس نے مزید کہا کہ الزام لگ رہا ہے کہ عوامی مفاد کے مقدمات میں عام مقدمات کوبھول گئے، عام مقدمات بھولنے کے الزام کو لینے کےلیے تیار نہیں جب کہ یہ الزام لینے کےلئے بھی تیار نہیں کہ عوامی مفاد کے چکرمیں عدالتی کام متاثر رہا۔

جسٹس میاں ثاقب نثار کا کہنا تھا کہ اتوار کو عدالت لگانے پر کراچی میں میری بہت مخالفت ہوئی، عدالتی کام کےلئے اتوار کو بھی عدالت لگا رہے ہیں۔

معزز چیف جسٹس نے مزید کہا کہ بھینسوں کو لگانے والے ٹیکے پرپابندی لگائی تو گجر مخالف ہوگئے، گجر کہتے ہیں پیداوار کم نہ ہو، چاہے کینسر والا دودھ ہی لوگوں کو ملے، صحت کے معاملے میں سمجھوتا نہیں ہوگا، جس نے ہڑتال کرنی ہے کرلے۔

مزید : اہم خبریں /قومی /علاقائی /اسلام آباد