آٹے کا بحران حکومت کی بدترین نالائقی،مریم اورنگزیب

    آٹے کا بحران حکومت کی بدترین نالائقی،مریم اورنگزیب

  



اسلام آباد(آئی این پی) مسلم لیگ (ن)کی ترجمان مریم اورنگزیب نے کہا ہے کہ آٹے کا بحران حکومت کی بدترین نالائقی ہے،سولہ ماہ پہلے اگر ایک خودکشی ہوجاتی تو آج کروڑوں عوام خود کشی کرنے سے بچ جاتے۔ ملک میں آٹے کے بحران پر اظہار تشویش کرتے ہوئے مریم اورنگزیب نے کہا ہے کہ روٹی 15 روپے اور نان 20 روپے کی ہونے کے بعد آٹے کا بحران حکومت کی بدترین نالائقی ہے، عمران خان صاحب آپ نے مکان، دکان، کاروبار اور مزدوری تباہ کرنے کے بعد اب غریبوں کا آٹا بھی بند کر دیا، نئے پاکستان میں آٹا ختم اور تندور بند ہوگیا اور عوام اب لنگر سے روٹی کھائیں؟۔مریم اورنگزیب کا کہنا تھا کہ 16ماہ میں گیس 250فیصد مہنگی ہوگئی یہ افسوسناک اور شرمناک ہے، سولہ ماہ پہلے اگر ایک خودکشی ہوجاتی تو آج کروڑوں عوام خود کشی کرنے سے بچ جاتے۔

مریم اورنگزیب

مزید : صفحہ آخر