پی ایس ایل کا پاکستان میں انعقاد ایک چیلنج ہے، پراجیکٹ ایگز یکٹو شعیب نوید

پی ایس ایل کا پاکستان میں انعقاد ایک چیلنج ہے، پراجیکٹ ایگز یکٹو شعیب نوید

  



لاہور (این این آئی)پاکستان سپر لیگ (پی ایس ایل) کے پراجیکٹ ایگزیکٹو شعیب نوید نے کہا ہے کہ ایونٹ کے پورے ایڈیشن کا پاکستان میں انعقاد ایک چیلنج ہے، افتتاحی تقریب میں پاکستان کا رنگ نظر آئے گا۔پی ایس ایل کے پانچویں ایڈیشن کا آغاز 20 فروری سے ہوگا، ایونٹ کے پراجیکٹ ایگزیکٹو شعیب نوید نے کہاکہ سب کی کوشش ہے اس ایونٹ سے پاکستان کا مثبت امیج دنیا کے سامنے جائے۔شعیب نوید نے کہا کہ ایونٹ کی افتتاحی تقریب میں پاکستان کا رنگ صاف نظر ا?ئے گا، کرکٹ فینز پی ایس ایل انتظامیہ کی پہلی ترجیح ہیں، ایونٹ کے میچز کی ٹکٹیں شائقین کرکٹ کے بس میں ہوں گی۔ایونٹ کے پراجیکٹ ایگزیکٹو نے کہا کہ پی سی بی اور فرنچائز میں رابطے کا فقدان ہے، دونوں طرف سے کچھ کوتاہیاں ہوئی ہیں، ہم نے ساتھ مل کر چلنا ہے۔انہوں نے کہا کہ پی ایس ایل پاکستان کی ایک مثبت اسٹوری ہے، اسے ا?گے لے کر چلنا ہے، پی ایس ایل میں پیسہ ا? رہا ہے، اس میں تمام اسٹیک ہولڈرز کا حصہ ہے۔

مزید : کھیل اور کھلاڑی