پٹرول کی قیمتوں میں اضافہ،عدالتی تحقیقات کا مطالبہ 

کراچی(اسٹاف رپورٹر) سندھ کے صوبائی وزیر زراعت محمد اسماعیل راہو نے ماہانہ پٹرول مہنگا ہونے پر وفاقی حکومت کے خلاف عدالتی تحقیقات کا مطالبہ کرتے ہوئے کہا ہے کہ 6 ماہ میں پٹرول 34 روپے مہنگا کرکے حکومت نے 13 کھرب روپے کمائے, عوام پر ماہانہ 82 ارب 16 کروڑ روپے اور سالانہ 891 ارب کا بوجھ ڈالا گیا ڈالاگیا.صوبائی وزیر اپنے بیان میں مزید کہا کہ 30 روپے لیویز کو ٹیکسز میں شامل کرنے کے باعث پٹرول مہنگا ہورہا ہے, تمام ادارے خسارے میں اے ٹی ایمز مزے میں ہیں. اسماعیل راہو نے حکومت کو تنقید کا نشانہ بناتے ہوئے کہا کہ اب تو چور سب جیل میں ہیں اور نہ چوروں کی حکومت ہے, نہ ملازمتیں اور نہ ہی کوئی ترقیاتی کام. انہوں نے کہا کہ امین اور صادق بتائیگا کہ یہ کھربوں روپے کس کے جیب میں جا رہے ہیں, عمران نیازی کے سیاہ کارنامے عوام کو پتا لگ چکے ہیں, ایک مہینے میں پٹرول 2 مرتبہ مہنگا,براڈ شیٹ سے مقدمہ ہارے، اربوں روپے دینے پڑے, جہاز پکڑا گیا، دنیا میں پاکستان کو بدنام کروایا. اسماعیل راہو نے کہا کہ نا اہلوں نے ایک کروڑ لوگ بیروزگار کردیے, بہت جلد اس سلیکٹڈ سے چھٹکارہ ملنے والا ہے.