مردان،مختلف مقدمات میں مطلوب خطرناک دہشتگرد گرفتار

مردان (بیورورپورٹ)سی ٹی ڈی مردان ریجن نے چینی انجینئر کے اغواء اورزخمی کرنے سمیت دہشت گردی کے مختلف مقدمات میں مطلوب انہتائی خطرناک دہشت گرد کو گرفتارکرلیا دہشت گرد کی سرکی قیمت 50لاکھ مقررتھی،ہینڈ گرنیڈ اور اسلحہ برآمد کرلیاگیا تفصیلات کے مطابق محکمہ انسداد دہشت گردی مردان ریجن نے خفیہ اطلاع  پر کامیاب کاروائی کرتے ہوئے تھانہ لوند خوڑ  تھانہ درگئی ملاکنڈ کو قتل اغوائیگی، دہشت گردی کے مقدمات میں مطلو ب خطرناک دہشت گرد دلارم عرف جواد ولد فضل رحیم ساکن کالو شاہ لونڈ خوڑ کو گرفتار کر کے اس کے قبضے سے دو ہینڈ گرینڈ، ایک پستول 30 بوربمعہ عدد کارتوس بر آمد ہوئے سی ڈی ٹی ڈی ذرائع کے مطابق مذکورہ ہشت گرد ضلع ملاکنڈ اور ضلع مردان کو متعدد مقدمات میں مطلوب تھا۔ جبکہ سال 2008 میں ملاکنڈ پاور پراجیکٹ میں کام کرنے والے چائینی انجینئر مسٹر یانگ کو اغواء کرنے اور  زخمی کرنے میں بھی ملوث تھا۔ صوبائی حکومت نے اس کی گرفتاری پر 50 لاکھ روپے سر کی قیمت مقر ر کی ہے، ملزم سے مذید انکشافات کی توقع ہے۔