محکمہ موسمیات نے آئندہ دنوں میں بھی سورج چمکنے کی پیش گوئی کردی

 لاہو ر (مانیٹرنگ ڈیسک) محکمہ موسمیات نے لاہور سمیت دیگر علاقوں میں آئندہ دنوں میں بھی سورج چمکنے کی پیش گوئی کردی ہے تاہم رات کے وقت موسم سرد اور دھند کے چھائے رہنے کا امکان ہے۔  لاہور میں کئی دنوں کے بعد سورج نے اپنی جھلک دکھائی۔ سورج چمکنے کے باعث سردی کی شدت میں کمی آ گئی جس کے بعد زیادہ سے زیادہ درجہ حرارت چودہ ڈگری سینٹی گریڈ تک جانے کا امکان ہے ۔منگل کے روز پنجاب کے میدانی علاقوں اور بالائی سندھ میں دھند چھائے رہنے کا امکان ہے۔ کشمیر، گلگت بلتستان، بالائی خیبر پختونخوا اور شمالی بلوچستان میں موسم شدید سرد جبکہ ملک کے دیگر علاقوں میں موسم سرد اور خشک رہے گا۔