شاہ محمود قریشی نے اپوزیشن کو جنوبی پنجاب صوبہ بنانے کی دعوت دیدی

شاہ محمود قریشی نے اپوزیشن کو جنوبی پنجاب صوبہ بنانے کی دعوت دیدی
شاہ محمود قریشی نے اپوزیشن کو جنوبی پنجاب صوبہ بنانے کی دعوت دیدی

  

اسلام آباد ( ڈیلی پاکستان آن لائن ) وزیر خارجہ شاہ محمود قریشی نے  اپوزیشن کی تمام جماعتوں کو  جنوبی پنجاب کا صوبہ بنانے کی دعوت دیدی۔

نجی ٹی وی دنیا نیوز کے مطابق وزیر خارجہ نے کہا کہ جنوبی پنجاب صوبے کے قیام کیلئے آئینی ترمیم کی منظوری پر  اتفاق رائے  کو یقینی بنانا چاہئے ،  پی ٹی آئی کے منشور میں  جنوبی پنجاب کے  عوام کیلئے الگ صوبہ بنانے کا وعدہ کیا گیا  تھا۔

سماجی رابطے کی ویب سائٹ ٹویٹر پر اپنے پیغام میں ان کا کہنا تھا کہ سیاسی وابستگی سے بالا تر ہو کر قومی مفاد میں آئینی ترمیم پر اتحاد ضروری ہے ، پاکستان تحریک انصاف کے وائس چیئرمین کی حیثیت سے  اپوزیشن کو دعوت دیتا ہوں کہ وہ اس کو حقیقت بنانے کیلئے ساتھ دے ۔

شاہ محمود قریشی نے مزید کہا کہ  ایڈیشنل چیف سیکرٹری کے ماتحت جنوبی پنجاب سول سیکرٹریٹ ہماری انہیں کاوشوں کا عکاس ہے ،  جنوبی پنجاب کے عوام کی آسانیوں کیلئے ضلعی ترقیاتی رابطہ کمیٹیاں قائم کر دی گئی ہیں ، ہماری جماعت جنوبی پنجاب کو الگ صوبے کے طورپر تسلیم کرنے کیلئے مسلسل کام کر رہی ہے ، ہم نے جنوبی پنجاب رنگ فینسنگ کیلئے 35 فیصد سے زیادہ  ترقیاتی بجٹ ، نوکریاں اور انتظامی ڈھانچہ قائم کیا ہے ۔ 

مزید :

قومی -