بارشوں کاسلسلہ مزید تین جاری رہے گا، نشیبی علاقوں کے مکین محتاط رہیں: محکمہ موسمیات
اسلام آباد(مانیٹرنگ ڈیسک) محکمہ موسمیات نے واضح کیاہے کہ بارشوں کا حالیہ سلسلہ منگل تک جاری رہے گا، نشیبی علاقوں کے مکین آئندہ دودن تک محتاط رہیں ، گذشتہ چوبیس گھنٹوں میں سب سے زیادہ بارش راولپنڈی میں 110ملی میٹرریکارڈ کی گئی ۔
محکمہ موسمیات کے مطابق عید سے ایک دن قبل شروع ہونیوالا سلسلہ تاحال ختم نہیں ہوا بلکہ مزید تین دن تک جاری رہے گا، آئندہ چوبیس گھنٹوں میں کشمیر ، اسلام آباد، بالائی پنجاب اوربالائی خیبرپختونخواہ میں گرج چمک کیساتھ جبکہ راولپنڈی ، گوجرانولہ ، لاہور، فیصل آباداورسرگودھامیں بارش کاامکان ہے ۔
ڈاکٹرمحمد حنیف کا کہناتھاکہ مالاکنڈ، ہزارہ ،پشاور،مردان، کوہاٹ، بنوں،بہاولپورڈویژن ، ملتان ، ڈی جی خان اور ڈی آئی خان میں کہیں کہیں بارش کا امکان ہے ، سبی، ژوب، میرپور خاص ڈویژن، سکھراور لاڑکانہ میں چند مقامات پر گرج چمک کیساتھ بارش کا امکان ہے جبکہ دوروز میں مون سون ہواﺅں کا نیاسلسلہ سندھ میں داخل ہوگا،کشمیر ، گلگت بلتستان ، کے پی کے اور بلوچستان میں مطلع ابرآلودرہے گا۔
محکمہ موسمیات نے ہدایت کی کہ پوٹھوہارریجن میں ندی نالوں کے قریب رہنے والے محتاط رہیں ۔