پاکستانی پہلوان بادشاہ خان کا بھارتی ریسلر کھالی کو مقابلے کا چیلنج

پاکستانی پہلوان بادشاہ خان کا بھارتی ریسلر کھالی کو مقابلے کا چیلنج
پاکستانی پہلوان بادشاہ خان کا بھارتی ریسلر کھالی کو مقابلے کا چیلنج

  

لاہور (ویب ڈیسک) ایک نجی ویب سائٹ کو انٹرویو دیتے ہوئے بادشاہ خان کا کہنا تھا کہ بھارتی ریسلر کھالی سے مقابلہ کر کے نئی تاریخ رقم کرنا چاہتا ہے۔ انہوں نے دعویٰ کیا کہ اگر یہ میچ ہوتا ہے تو 2 ارب سے زائد لوگ اس میچ سے لطف اندوز ہوں گے۔

بادشاہ خان کا کہنا تھا کہ وہ بچپن سے ہی ریسلنگ کے شوقین تھے۔ اس لیے انہوں نے 11 سال کی عمر میں طے کر لیا تھا کہ وہ پہلے پاکستانی ریسلر بنیں گے۔ بادشاہ نے اس عزم کا اظہار کیا کہ وہ جلد ڈبلیو ڈبلیو ای اور نیو جاپان پر و ریسلنگ رنگ میں پاکستانی پرچم لہرائیں گے ۔ بادشاہ پہلوان نے اپنے امیچیور ریسلنگ کا آغاز اکتوبر 2010 میں کرتے ہوئے فرانس کی سب سے بڑی ریسلنگ فیڈریشن ریسلنگ سٹارز سے معاہدہ کیا اور 2012 ءمیں پروریسلر کے طور پر اپنے کیرئیر کا آغاز کی اور جلد ہی اپنی شاندار پرفارمنس سے لاکھوں ریسلنگ شائقین کے دل جیت لیے۔ بادشاہ خان فرانس کے علاوہ سپین بیلجیئم ، کو سٹاریکا میں بڑے ریسلرز سے مقابلے کر کے خود کو ڈبلیو ڈبلیو ای کے لیے تیا کر چکے ہیں۔ بادشاہ پہلوان خان نے فرانس کی ریسلنگ رنگ میں کئی سال تک میکسیکین انداز کی ریسلنگ کے گر سیکھے ہیں ۔ انہوں نے سوئی سائیڈ ڈائیو ، ٹاپ روپ سپلیش اور ٹائیگر بومب جیسے گرسیکھ کر اب ورلڈ ریسلنگ انٹرٹینمنٹ (ڈبلیو ڈبلیو ای) میں اپنی صلاحیتوں کا لوہا منوانے کا فیصلہ کیا ہے۔

مزید : کھیل