پی ایس ایل سپاٹ فکسنگ کیس میں شرجیل خان کی سزا کب ختم ہو رہی ہےاور انہیں کیا کرنا ہو گا؟ پی سی بی نے بیان جاری کر دیا

پی ایس ایل سپاٹ فکسنگ کیس میں شرجیل خان کی سزا کب ختم ہو رہی ہےاور انہیں کیا ...
پی ایس ایل سپاٹ فکسنگ کیس میں شرجیل خان کی سزا کب ختم ہو رہی ہےاور انہیں کیا کرنا ہو گا؟ پی سی بی نے بیان جاری کر دیا

  



لاہور(ڈیلی پاکستان آن لائن) پی ایس ایل اسپاٹ فکسنگ کیس میں سزا یافتہ کرکٹر شرجیل خان کی سزا 10 اگست کو ختم ہو رہی ہے۔

ترجمان پی سی بی کے مطابق سزا مکمل ہونے پر شرجیل خان کو ری ہیب پروگرام مکمل کرنا ہوگا جس کے لیے کرکٹر کی طرف سے تاحال کوئی رابطہ نہیں کیا گیا ہے۔پاکستان کرکٹ بورڈ کے ترجمان نے کہا کہ ری ہیب مکمل ہونے پر شرجیل خان کوکرکٹ کھیلنےکی اجازت ہوگی۔دوسری جانب کرکٹر شرجیل خان کے وکیل شیغان اعجاز نے بتایا کہ ری ہیب پروگرام کیلیےجلد پی سی بی سےرابطہ کریں گے۔ 

واضح رہے کہ اسپاٹ فکسنگ کیس میں کرکٹر شرجیل خان پر پاکستان کرکٹ بورڈ کوڈ کی پانچ شقوں کی خلاف ورزی کا الزام تھا جس کے بعد ان پر پانچ سال کی پابندی عائد کی گئی۔

مزید : کھیل