اسرائیل میں 1200سال پرانی مسجد کا انکشاف ،یہ مسجد کس نے بنائی اور کیسے ملی ؟جانئے

اسرائیل میں 1200سال پرانی مسجد کا انکشاف ،یہ مسجد کس نے بنائی اور کیسے ملی ...
اسرائیل میں 1200سال پرانی مسجد کا انکشاف ،یہ مسجد کس نے بنائی اور کیسے ملی ؟جانئے

  



تل ابیب(مانیٹرنگ ڈیسک) اسرائیل میں ماہرین آثارقدیمہ نے کھدائی کے دوران 1200سال قدیم مسجد دریافت کر لی ہے۔ ڈی ڈبلیو ڈاٹ کام کے مطابق یہ مسجد صحرائے نجف میں راحت کے علاقے میں واقع بیدوئن نامی شہر کے قریب دریافت ہوئی ہے۔ یہ مسجد پتھروں سے بنی ہوئی تھی اور چھت کے بغیر تھی۔ اس میں خانہ کعبہ کی سمت ایک محراب بھی بنا ہوا تھا اس کی دیواریں اور محراب اب بھی بہترین حالت میں موجود ہیں۔

اس تاریخی جگہ پر کھدائی کرنے والی ٹیم کے ڈائریکٹر جان سلیمان کا کہنا تھا کہ ”یہ چھوٹی سی مسجد اس وقت کی ایک شہری آبادی میں تھی۔ اس کے اردگرد دیگر کئی عمارات اور گھر بھی موجود ہیں، جن کی کھدائی تاحال جاری ہے۔ یہ مسجد 7ویں یا 8ویں صدی عیسوی میں تعمیر کی گئی تھی اور دنیا کی ابتدائی مساجد میں سے ایک تھی۔ یہ مسجد اپنی قدامت کے لحاظ سے دنیا میں بالعموم اور اس خطے میں بالخصوص انتہائی اہمیت کی حامل ہے۔ “

مزید : بین الاقوامی