کل کیا ہونے جارہاہے؟عامر لیاقت حسین نے عمران خان کے گن گاتے ہوئے بتادیا

کل کیا ہونے جارہاہے؟عامر لیاقت حسین نے عمران خان کے گن گاتے ہوئے بتادیا
کل کیا ہونے جارہاہے؟عامر لیاقت حسین نے عمران خان کے گن گاتے ہوئے بتادیا

  

کراچی(ڈیلی پاکستان آن لائن) گزشتہ دنوں استعفیٰ کا اعلان کرنے والے پاکستان تحریک انصاف کے رکن قومی اسمبلی ڈاکٹر عامر لیاقت حسین نے پیر کو اپنی مراد پوی ہونے پر عمران خان کی مدح سرائی شروع کردی۔

مائیکروبلاگنگ ویب سائٹ ٹویٹر پر انہوں نے کہا ہے کہ "ان شا اللہ پیر کے دن وزیراعظم پاکستان، میرے رہنما، میرے کپتان جناب عمران خان سے ملاقات ہے، انہوں نے وقت عنایت فرمادیا ہے"۔

عامر لیاقت حسین کے ٹویٹ پر صارفین نےجہاں ان سے سوالات کیے وہیں یہ بھی بتایا کہ عمران خان اپنے ورکرز کے ساتھ ملاقات کے دوران کیا کرتے ہیں۔

ایک صارف نے عمران خان کی کھانا کھاتے ہوئے جب کہ ایک کارکن کے ساتھ بیٹھے ہوئے تصویرپوسٹ کرتے ہوئے لکھا کہ عمران خان اپنے ورکر ز کے ساتھ یہ کرتے ہیں۔

سید مقصود نامی صارف نے پوچھا کہ "اور استعفی بھی پیش کریں گے یا محض باتیں ہی ہیں"

خالد آصف نے لکھا کہ "لطاف بھائی کی تربیت کا خاصہ ھے کہ استعفی کی دھمکیاں ھمیشہ اقتدار کی طوالت اور اچھی سودے بازی کی ضمانت ھوتی ھے۔ یہ مر جائیگا استعفی نہیں دے گا جب تک پنڈی سے اشارہ نہیں آئے گا۔"

خیال رہےکچھ روز قبل پی ٹی آئی کے کراچی سے منتخب رکن قومی اسمبلی ڈاکٹر عامر لیاقت نے سماجی رابطے کی ویب سائٹ ٹوئٹر پر اپنے ٹوئٹ میں کہاہے کہ اعترف کرتا ہوں میں کراچی کا ایک بے بس ایم این اے ہوں جو اپنے شہرکے لوگوں کو بجلی فراہم کرانے سے قاصر ہے۔انہوں نے کہاکہ مجھ سے کراچی اور بالخصوص اپنے حلقے کے لوگوں کا تڑپنا سسکنا نہیں دیکھا جاتا۔انہوں نے کہاکہ وزیراعظم سے وقت مانگاہے مل کرانہیں استعفیٰ پیش کردوں گا۔

مزید :

قومی -علاقائی -سندھ -کراچی -