قومی بلائنڈ کرکٹ ٹیم کے 17 کھلاڑی سنٹرل کنٹریکٹ کیلئے شارٹ لسٹ،کتنا ماہانہ معاوضہ دیا جائے گا؟جان کر آپ کی آنکھوں میں بھی آنسو آجائیں

قومی بلائنڈ کرکٹ ٹیم کے 17 کھلاڑی سنٹرل کنٹریکٹ کیلئے شارٹ لسٹ،کتنا ماہانہ ...
قومی بلائنڈ کرکٹ ٹیم کے 17 کھلاڑی سنٹرل کنٹریکٹ کیلئے شارٹ لسٹ،کتنا ماہانہ معاوضہ دیا جائے گا؟جان کر آپ کی آنکھوں میں بھی آنسو آجائیں

  

اسلام آباد (ڈیلی پاکستان آن لائن) پاکستان بلائنڈ کرکٹ کونسل (پی بی سی سی) نے 17 قومی کھلاڑیوں کو سنٹرل کنٹریکٹ کے لئے شارٹ لسٹ کر دیا گیا ہے۔سنٹرل کنٹریکٹ میں چار کھلاڑیوں کو پہلی مرتبہ شامل کیا گیا ہے جس کا باضابطہ اعلان دو روز تک کیا جائے گا۔

پاکستان بلائنڈکرکٹ کونسل کےحکام نےبتایاکہ قومی کھلاڑیوں کوسنٹرل کنٹریکٹ دینےکےلئےکوچز نے کھلاڑیوں کے آن لائن فزیکل فٹنس ٹیسٹ 6 سے 15 جولائی لیے۔پاکستان بلائنڈ کرکٹ کونسل کے حکام نے بتایا کہ پی بی سی سی نے کورونا وائرس کی وجہ سے قومی کھلاڑیوں کو نیا سنٹرل کنٹریکٹ فزیکل فٹنس کی بنیاد پر دینے کا فیصلہ کیا گیا۔کورونا وائرس کی وجہ سے کھیلوں کی سرگرمیاں معطل ہیں جس کی وجہ سے پی بی سی سی نے 17 کھلاڑیوں کو یکم جولائی سے دسمبر تک چھ ماہ کے لیے فزیکل فٹنس کی بنیاد پر سنٹرل کنٹریکٹ دینے کا فیصلہ کیا۔انہوں نے کہا کہ سنٹرل کنٹریکٹ دینے کے لیے 40 کھلاڑیوں کے فزیکل فٹنس ٹیسٹ 6 سے 15 جولائی تک لیے گئے، کونسل نے فزیکل فٹنس ٹیسٹ پاس کرنے والے 17 کھلاڑیوں کو سنٹرل کنٹریکٹ کے لیے شارٹ لسٹ کیا گیا ہے، جس میں 4 کھلاڑیوں کو پہلی مرتبہ سنٹرل کنٹریکٹ میں شامل کیا گیا ہے جس کا باضابطہ اعلان دو روز تک کیا جائے گا۔حکام نے کہا کہ نئے سنٹرل کنٹریکٹ میں شامل ہونے والے کھلاڑیوں میں اے کیٹیگری میں 2 کھلاڑی، بی کیٹیگری میں 4 جبکہ سی کیٹیگری میں 11 کھلاڑی شامل ہوں گے۔تینوں کیٹیگری کے کھلاڑیوں کو بالترتیب 15 ہزار، 12 ہزار اور 10 ہزار روپے ماہانہ معاوضہ دیا جائے گا۔ قومی کھلاڑیوں کا سنٹرل کنٹریکٹ جولائی سے دسمبر تک 6 ماہ کے لیے ہوگا۔

مزید :

کھیل -