میرواعظ نے پاکستان کی فتح پر پیغام جاری کیا تو گوتم گمبھیر کو شدید مرچیں لگ گئیں، ایسا جواب دیدیا کہ جان کر ہر پاکستانی کا خون کھول اٹھا، جان کر آپ کے بھی غصے کی انتہاءنہ رہے گی
لاہور (ڈیلی پاکستان آن لائن) آئی سی سی چیمپینز ٹرافی کے فائنل میں بھارت کی شکست اور پاکستان کی کامیابی پر مداحوں میں تو تکار جاری ہے اور سوشل میڈیا پر ایک ’جنگ‘ کا سماں ہے۔ دلچسپ امر یہ ہے کہ میچ سے قبل بھارت کے جو شائقین سوشل میڈیا پر انتہائی جارحانہ اور ’بدتمیز‘ نظر آ رہے تھے، انہیں اب منہ چھپانے کی بھی جگہ نہیں مل پا رہی۔
یہ بھی پڑھیں۔۔۔ شکست نے بھارتی کرکٹ ٹیم میں پھوٹ ڈال دی؟ پاکستان کیخلاف چھکوں کی برسات کرنے والے ہردیک پانڈیا نے میچ کے بعد ایسا پیغام جاری کر دیا کہ پورے بھارت میں ہلچل مچ گئی
ایسی ہی ایک ’جنگ‘ بھارتی کرکٹر گوتم گمبھیر اور مقبوضہ کشمیر میں حریت رہنماءمیر واعظ عمر فاروق کے درمیان بھی دیکھنے کو ملی۔ میر واعظ نے پاکستان کی فتح پر سماجی رابطوں کی ویب سائٹ ٹوئٹر پر ایک پیغام جاری کیا کہ ” ہر طرف آتش بازی ہے۔ ایسا محسوس ہو رہا ہے کہ عید قبل از وقت آ گئی۔ بہتر کھیلنے والی ٹیم کا دن رہا۔ پاکستانی ٹیم کو جیت کی مبارکباد۔“
Fireworks all around, feels like an early Eid here. Better team took the day. Congratulations team #Pakistan
— Mirwaiz Umar Farooq (@MirwaizKashmir) June 18, 2017
ان کی اس ٹویٹ پر پاکستانیوں کی جانب سے خیرمقدمی پیغامات جاری تھے کہ گوتم گمبھیر بھی میدان میں کود پڑے اور ایسا جواب دیدیا کہ ہر مسلمان کا خون کھول اٹھا۔ انہوں نے لکھا ” میر واعظ آپ کیلئے ایک تجویز ہے۔ آپ سرحد پار کر کے اس پار کیوں نہیں چلے جاتے؟ وہاں آپ کو بہتر پٹاخوں (چائنیز؟) اور عید کا جشن ملے گا۔ میں پیکنگ میں آپ کی مدد کر سکتا ہوں۔“
A suggestion @MirwaizKashmir why don't u cross the border? U will get better fireworks (Chinese?), Eid celebs there.I can help u wid packing
— Gautam Gambhir (@GautamGambhir) June 18, 2017
میر واعظ اور گوتم گمبھیر کے ٹویٹس پر لوگوں نے مختلف انداز میں اپنا ردعمل ظاہر کیا تاہم زیادہ تر افراد نے گوتم گمبھیر کو آڑے ہاتھوں ہی لیا۔ ایک صارف فیصل نے لکھا'' تجھے مرچی لگی تو میں کیا کروں?''
Tujhe mirchi lagi toh hum kya karein
— faysal (@_Faysal) June 18, 2017
اس کے علاوہ ان دونوں کی ٹویٹس پر پاکستان اور بھارت کے صارفین کے درمیان ایک ''جنگ'' سی چھڑ گئی ہے اور ظاہر ہے کہ میچ کی طرح اس میں بھی پلڑا پاکستانیوں کا ہی بھاری رہا۔