ٹوئٹر پر وزیر اعظم عمران خان کا نیا پیغام، ایسی غلطی کر دی کہ شرمندگی کا سامنا کرنا پڑ گیا

ٹوئٹر پر وزیر اعظم عمران خان کا نیا پیغام، ایسی غلطی کر دی کہ شرمندگی کا ...
ٹوئٹر پر وزیر اعظم عمران خان کا نیا پیغام، ایسی غلطی کر دی کہ شرمندگی کا سامنا کرنا پڑ گیا

  


اسلام آباد (ڈیلی پاکستان آن لائن) وزیر اعظم عمران خان کو سوشل میڈیا پر اس وقت شرمندگی کا سامنا کرنا پڑا جب انہوں نے متحدہ ہندوستان کے عظیم شاعر رابندر ناتھ ٹیگور کے قول کو خلیل جبران سے منسوب کردیا۔

وزیر اعظم عمران خان نے ٹوئٹر پر خلیل جبران سے منسوب کرکے ایک قول شیئر کیا ۔ ’ میں سویا تو خواب میں دیکھا کہ زندگی خوشی کا نام ہے، میں اٹھا تو دیکھا تو زندگی خدمت کا نام ہے، میں نے خدمت کی اور دیکھا کہ خدمت ہی خوشی ہے‘۔

وزیرا عظم نے اس قول کی طرف اشارہ کرتے ہوئے کہا کہ وہ لوگ جنہوں نے خلیل جبران کے اس قول میں پوشیدہ دانائی کو سمجھ لیا وہ لوگ ہی اطمینان کی زندگی گزارتے ہیں۔

@ImranKhanPTI

عمران خان کی جانب سے قول شیئر کیے جانے پر سینئر صحافی اور نجی ٹی وی جیو نیوز کے منیجنگ ڈائریکٹر اظہر عباس نے ان کی توجہ اس جانب دلائی کہ یہ قول خلیل جبران کا نہیں بلکہ رابندر ناتھ ٹیگور کا ہے۔

@AzharAbbas3

اینکر پرسن غریدہ فاروقی نے بھی وزیر اعظم عمران خان کی غلطی کی نشاندہی کی۔

@GFarooqi

مہوش نے قول کے نسب کی طرف کوئی توجہ نہیں دی اور وزیر اعظم سے کہا ’ ہماری خدمت کرو، ہماری خدمت کرو، ہماری خدمت کرو اور خوشی حاصل کرو‘۔

@OkayPhir

خیال رہے کہ رابندر ناتھ ٹیگور متحدہ ہندوستان کے مشہور شاعر تھے جن کا انتقال 1941 میں ہوا تھا۔ وہ بنگال سے تعلق رکھتے تھے اور اسی زبان میں شاعری کرتے تھے۔ بھارت کا آج کا قومی ترانہ رابندرناتھ ٹیگور کی ایک طویل نظم کے کچھ مصرعے اٹھا کر بنایا گیا ہے ۔

مزید : قومی