سابق بھارتی اولیمپئین ملکھا سنگھ کورونا کے باعث انتقال کر گئے 

سابق بھارتی اولیمپئین ملکھا سنگھ کورونا کے باعث انتقال کر گئے 
سابق بھارتی اولیمپئین ملکھا سنگھ کورونا کے باعث انتقال کر گئے 

  

ممبئی(ڈیلی پاکستان آن لائن)سابق بھارتی اولیمپئین ملکھا سنگھ 91 سال کی عمر میں کورونا وائرس کے باعث انتقال کر گئے ہیں۔

بھارتی میڈیا رپورٹس کے مطابق ملکھا سنگھ گزشتہ ایک ماہ سے کورونا کی وجہ سے اسپتال داخل تھے جہاں آج ان کی موت واقع ہوئی ہے۔ملکھا سنگھ کے بیٹے نے سماجی رابطوں کی ویب سائٹ ٹوئٹر پر اپنے والد کی موت کی تصدیق کی ہے۔انہوں نے لکھا ہے کہ میرے والد کا ابھی انتقال ہو گیا ہے۔پانچ روز قبل ہی ملکھا سنگھ کی اہلیہ اور بھارتی والی بال ٹیم کی سابق کپتان نرمل کور بھی انتقال کر گئیں تھیں، وہ کورونا بھی سے متاثر تھیں ۔

واضح رہے کہ ملکھا سنگھ 1935 میں پیدا ہوئے تھے۔ انہیں ” دی فلائنگ سکھ “ کے نام سے بھی جانا جاتا ہے۔سابق بھارتی کھلاڑی نے پہلے بھارتی فوج اور پھر بھارت کی نمائندگی کی اور کئی بین الاقوامی مقابلوں اور اولمپکس میں بھی حصہ لیا۔

مزید :

کھیل -