ٹیسٹ چیمپیئن شپ فائنل، بھارتی کپتان ویرات کوہلی نے دو اہم اعزازات اپنے نام کرلیے

ٹیسٹ چیمپیئن شپ فائنل، بھارتی کپتان ویرات کوہلی نے دو اہم اعزازات اپنے نام ...
ٹیسٹ چیمپیئن شپ فائنل، بھارتی کپتان ویرات کوہلی نے دو اہم اعزازات اپنے نام کرلیے
سورس: Instagram

  

ساؤتھمپٹن (ڈیلی پاکستان آن لائن) بھارتی کرکٹ ٹیم کے کپتان ویرات کوہلی نے ورلڈ ٹیسٹ چیمپیئن شپ کے فائنل میچ میں دو اہم اعزازات اپنے نام کرلیے۔

انڈیا ٹوڈے کے مطابق ویرات کوہلی نے ٹیسٹ چیمپیئن شپ کے فائنل میچ میں 7500 ٹیسٹ رنز کا سنگِ میل عبور کیا ہے۔ ایسا کرنے والے وہ انڈیا کے پانچویں اور دنیا کے 42 ویں بلے باز ہیں۔ ان سے پہلے سچن ٹنڈولکر، وریندر سہواگ، راہول ڈریوڈ اور سنیل گواسکر انڈیا کی جانب سے 7500 سے زائد رنز سکور کرچکے ہیں۔

اسی فائنل میچ میں کوہلی نے انڈیا کی جانب سے سب سے زیادہ ٹیسٹ میچز کی کپتانی کا اپنے پیشرو مہندر سنگھ دھونی کا ریکارڈ بھی توڑ دیا ہے۔ آج وہ 61 ویں میچ کی کپتانی کر رہے ہیں جب کہ مہندر سنگھ دھونی 60 ٹیسٹ میچز کی کپتانی کے بعد 2014 میں ٹیسٹ کرکٹ سے ریٹائر ہوگئے تھے۔

مزید :

کھیل -