روس میں پیرا ٹروپرز کو لے جانے والے طیارے کو حادثہ، ہلاکتیں
سورس: Screen Grab
ماسکو (ڈیلی پاکستان آن لائن) روس میں پیرا ٹروپرز کو لے جانے والے طیارے کو حادثہ پیش آیا ہے جس کے نتیجے میں نو افراد ہلاک ہوگئے۔
غیر ملکی میڈیا کے مطابق روس کے جنوب مغربی سائبیریا کے علاقے میں پیرا ٹروپرز کو لے جانے والے طیارے ایل 410 نے ہنگامی لینڈگ کی جس کے باعث اس میں آگ بھڑک اٹھی۔ جہاز میں 17 افراد سوار تھے جن میں سے سات پیرا ٹروپرز اور دو عملے کے ارکان موقع پر ہی ہلاک ہوگئے۔ حکام کا کہنا ہے کہ طیارے میں کوئی تکنیکی خرابی نہیں تھی بلکہ یہ طیارہ ایک ہی دن میں چوتھی بار فلائٹ کر رہا تھا۔ حادثے کی وجوہات جاننے کیلئے تحقیقات شروع کردی گئی ہیں۔
