این اے 240 کراچی ضمنی الیکشن، کامیاب امیدوار سمیت تمام امیدواروں کی ضمانتیں ضبط ہوگئیں

این اے 240 کراچی ضمنی الیکشن، کامیاب امیدوار سمیت تمام امیدواروں کی ضمانتیں ...
این اے 240 کراچی ضمنی الیکشن، کامیاب امیدوار سمیت تمام امیدواروں کی ضمانتیں ضبط ہوگئیں

  

کراچی (ویب ڈیسک) شہرقائد میں قومی اسمبلی کے حلقہ این اے 240 کے ضمنی انتخاب میں ٹرن آؤٹ انتہائی کم ہونے کی وجہ سے کامیاب امیدوار سمیت تمام امیدواروں کی ضمانت ضبط ہوگئی، ریٹرننگ افسر نے این اے 240 کا حتمی نتیجہ جاری کردیا۔

روزنامہ جنگ کے مطابق قومی اسمبلی کے حلقے این اے 240 پر 16 جون کو ہونے والے ضمنی انتخاب میں ڈالے گئے ووٹوں کی شرح 8.38 رہی، ضمنی انتخاب میں کامیاب امیدوار نے 10ہزار 683 ووٹ حاصل کیے جبکہ 2018 کے عام انتخابات میں اس حلقے سے کامیاب ہونے والے امیدوار نے 61 ہزار 165 ووٹ حاصل کیے تھے۔

الیکشن کمشنر کراچی سید ندیم حیدر کا کہنا ہے کہ این اے 240 کے ضمنی انتخاب سے سبق سیکھا ہے اور کوشش ہوگی کہ این اے 245 کے ضمنی انتخاب میں یہ غلطیاں نہ ہوں۔ایم کیو ایم پاکستان کے امیدوار محمد ابو بکر کی کامیابی کا نوٹیفکیشن الیکشن کمیشن آف پاکستان کی جانب سے جاری کیا جائے گا۔

مزید :

علاقائی -سندھ -کراچی -