نندی پور ریفرنس راجا پرویز اشرف سمیت شریک ملزموں کی درخواستیں مسترد

نندی پور ریفرنس راجا پرویز اشرف سمیت شریک ملزموں کی درخواستیں مسترد

  

 اسلام آباد (مانیٹرنگ ڈیسک) اسلام آباد کی احتساب عدالت نے نندی پور ریفرنس میں سابق وزیراعظم راجہ پرویز اشرف(بقیہ نمبر28صفحہ12پر)

سمیت دیگر شریک ملزمان کی بریت کی درخواستیں مسترد کر دیں۔ عدالت نے قرار دیا کہ ملزمان نیب ترمیمی آرڈیننس کے تحت ریلیف کے مستحق نہیں۔احتساب عدالت کے جج اعظم خان نے نندی پور ریفرنس کے ملزمان راجا پرویز اشرف، شمائلہ محمود، ریاض کیانی اور مسعود چشتی کی نیب ترمیمی آرڈیننس کے تحت بریت کی درخواستوں پر فیصلہ سنایا۔ عدالت نے سابق وزیراعظم سمیت دیگر ملزمان کی بریت کی درخواست مسترد کرتے ہوئے نندی پور ریفرنس کا ٹرائل جاری رکھنے کا فیصلہ دیا۔نیب ترمیمی آرڈیننس کے تحت راجہ پرویز اشرف نے نندی پور ریفرنس سے بری کرنے کی استدعا کی تھی، فیصلے میں قرار دیا گیا کہ نیب ترمیمی آرڈیننس کی بنیاد پر ملزمان ریلیف کے مستحق نہیں۔ نیب نے ملزمان کو نیب ترمیمی آرڈی نینس کے تحت بری کرنے کی مخالفت کی تھی۔سابق وفاقی وزیر بابر اعوان کی درخواست بریت ترمیمی آرڈیننس سے قبل منظور کی جا چکی ہے، نندی پور پاور پراجیکٹ میں تاخیر سے قومی خزانے کو اربوں روپے نقصان پہنچانے پر ریفرنس دائر کیا گیا۔

نندی پور ریفرنس

مزید :

ملتان صفحہ آخر -