کورونا وائرس: قوانین کی خلاف ورزی پر 38افراد گرفتار

کورونا وائرس: قوانین کی خلاف ورزی پر 38افراد گرفتار

  

کراچی (اسٹاف رپورٹر) کورونا وائرس کے حوالے سے حکومتی احکامات کی خلاف ورزی پر کراچی پولیس نے38 افراد کو گرفتار کرکے26مقدمات درج کرلیے۔تفصیلات کے مطابق کراچی میں کورونا وائرس سے متعلق قوانین کی خلاف ورزی پر مقدمات اور گرفتاریاں کی ہیں، چند دنوں میں ہونے والی کارروائیوں کی تفصیلات کراچی پولیس نے جاری کردی ہیں۔اس حوالے سے کراچی کے مختلف تھانوں میں 26مقدمات درج کرلئے گئے، کراچی پولیس کے حکام کا کہنا ہے کہ 26مقدمات درج کرکے38 افراد کو گرفتار کیا گیا ہے۔پولیس کے مطابق مذکورہ مقدمات مہنگے داموں سینیٹائزر اور فیس ماسک فروخت پر کئے گئے، شادی ہالز میں تقاریب اور اسکول کھولنے، کورونا کے جعلی علاج، سینٹائزر اور ماسک ذخیرہ اندوزی پر کئے گئے۔اس کے علاوہ پرندوں کی فروخت پر مقدمہ کرتے ہوئے پرندے ضبط کئے گئے، مختلف کارروائیوں میں 70ہزار302ماسک ضبط کئے گئے، مختلف کارروائیوں میں 83 ہینڈ سینٹائزر برآمد ہوئے ہیں۔یاد رہے کہ اس سے قبل پاکستان میں کرونا وائرس کے کیسز سامنے آنے کے بعد فیس ماسک فروخت کرنے والوں نے قیمتوں میں ہوشربا اضافہ کردیا تھا، ماسک کی اضافی قیمت اور مارکیٹ میں عدم دستیابی کی وجہ سے شہری بہت زیادہ پریشانی کا شکار بھی تھے۔

مزید :

راولپنڈی صفحہ آخر -