نرمل رائے ”دلربا“ کی پذیرائی پر خوشی سے نہال

لاہور(فلم رپورٹر)نوجوان نسل کی معروف گلوکارہ نرمل رائے ”دلربا“ کی پذیرائی پر خوشی سے نہال،تفصیلات کے مطابق گلوکارہ نرمل رائے نے نجی ٹی وی کے نئے ڈرامہ سیریل ”دلربا“ کے لئے ایک OST ریکارڈ کروایا ہے جسے گذشتہ روز سوشل میڈیا پر اپلوڈ کیا گیاہے جسے اب تک لاکھوں لوگ دیکھ اور پسند کرچکے ہیں اس OST پر ملنے والے تعریفی پیغامات نے نرمل رائے کو خوشی سے اڑنے پر مجبور کردیا ہے نرمل رائے کا کہنا ہے کہ وہ اس گانے کی کامیابی پر بہت خوش ہیں ابھی جب یہ ڈرامہ آن ائیر جائیگا تو اس کی پسندیدگی میں اور اضافہ ہوگا۔نرمل رائے نے بتایاکہ اس گانے کی شاعری صابر ظفر کی لکھی ہوئی ہے۔
جبکہ اس کی کمپوزیشن شانی ارشدنے ترتیب دی ہے۔نرمل رائے نے مذید بتایاکہ ان دنوں وہ اپنے نئے کور سونگز،میوزک ویڈیوز اور پلے بیک سنگنگ میں مصروف ہیں۔