”ہم قرنطینہ میں جا رہے ہیں اور۔۔۔“ میرے پاس تم ہو ڈرامہ کے انتہائی معروف اداکاروں نے اعلان کر دیا

”ہم قرنطینہ میں جا رہے ہیں اور۔۔۔“ میرے پاس تم ہو ڈرامہ کے انتہائی معروف ...
”ہم قرنطینہ میں جا رہے ہیں اور۔۔۔“ میرے پاس تم ہو ڈرامہ کے انتہائی معروف اداکاروں نے اعلان کر دیا

  

کراچی (ڈیلی پاکستان آن لائن) حال ہی میں شہرت کی بلندیوں کو چھونے والے ڈرامہ سیریل ’میرے پاس تم ہو‘ کے دو مرکزی کرداروں ’دانش‘ اور ’شہوار‘ قرنطینہ میں چلے گئے ہیں۔

تفصیلات کے مطابق ڈرامہ سیریل ’میرے پاس تم ہو‘ میں مرکزی کردار ادا کرنے والے ہمایوں سعید اور عدنان صدیقی حال ہی میں امریکہ سے واپس آئے اور خود کو قرنطینہ کرنے کا اعلان کیا۔ ہمایوں سعید نے سماجی رابطوں کی ویب سائٹ ٹوئٹر پر جاری اپنے پیغام میں لکھا ” بھائی ہم ابھی کراچی ائیرپورٹ پر پہنچے ہیں مگر ابھی گھر نہیں جاﺅں گا۔ میں اور عدنان صدیقی خود کو ایک کمرے میں کچھ دن کیلئے بند کر رہے ہیں۔ اللہ ہم سب کو اپنی امان میں رکھے۔“

اس سے قبل ان کی انسٹاگرام پوسٹس وائرل ہوئی تھیں جن میں انہیں ماسک پہنے دیکھا جا سکتا ہے جبکہ وہ امریکہ میں ایک فلائٹ میں تھے۔ اب وہ ایک کمرے میں بند رہیں گے اور گھر نہیں جائیں گے۔ انہوں نے یہ ٹویٹ معروف اینکر اور اداکار واسع چوہدری کی ٹویٹ کے جواب میں دی جن کا کہنا تھا کہ میں لندن کیا، کہیں بھی نہیں جاﺅں گا۔

مزید :

ڈیلی بائیٹس -تفریح -