جولوگوں کو کہتا تھا نہیں چھوڑوں گا اس کو اپنے لوگ چھوڑ گئے: مریم اورنگزیب 

  جولوگوں کو کہتا تھا نہیں چھوڑوں گا اس کو اپنے لوگ چھوڑ گئے: مریم اورنگزیب 

  

اسلام آباد(آئی این پی)پاکستان مسلم لیگ(ن)کی ترجمان مریم اور نگزیب  نے  وزیراعظم عمران خان کو فساد مچانے، تماشا لگانے کے بجائے گھر جانے کا مشورہ  دیتے ہوئے کہا ہے کہ عمران صاحب وزیراعظم ہاؤس سے سامان پیکرز اور موورز جلدی اور اچھا پیک کرتے ہیں،فواد چودھری صاحب الیکشن کمیشن نے کب کیا کرنا ہے آئین اور قانون میں درج ہے، جو لوگوں کو کہتا تھا نہیں چھوڑوں گا اس کو اپنے لوگ چھوڑ گئے بائیس کروڑ عوام عمران آپ کو گھر جانے کے واسطے دے رہی ہے اپنے ایک بیان میں مریم اورنگزیب نے کہا کہ عمران صاحب مانگے تانگے کا اقتدار اپنا نہیں سمجھنا چاہیے، اکثریت ختم اور غنڈہ گردی شروع،مغرب کو آپ کو مغربیوں سے زیادہ جانتے ہیں تو مغرب کی جمہوریت کے مطابق ابھی تک آپ کا استعفیٰ آ جانا چاہئے تھا، اپنے اراکین، اتحادی اور عوام آپ کو مسترد کر چکے ہیں ساڑھے تین سال چوری کئے ہوئے مینڈیٹ پہ عوام کو لوٹا، بے روزگار اور غریب کیا، استعفیٰ دیں، گھر جائیں کیونکہ اب آپ اکثریت کااعتماد کھو چکے ہیں سیاسی مخالفین اور میڈیا کے بعد عمران صاحب اور کرائے کے ترجمانوں نے اب اپنے ہی ارکان کو بھی گالیاں دینا شروع کردی ہیں عمران صاحب آپ نے خود کہا تھا کہ آپ کے ارکان کہہ دیں کہ وہ آپ کے ساتھ نہیں تو میں ان کی عزت کروں گا اور گھر چلا جاؤں گا، پولیس اور انتظامیہ بے اختیار وزیراعظم کے احکامات مان کر آئین شکنی اور اپنے حلف کی خلاف ورزی نہ کرے۔

مریم اورنگزیب

مزید :

صفحہ آخر -