کراچی: جھونپڑیوں میں آتشزدگی، کے الیکٹرک کا اظہارِ افسوس

کراچی: جھونپڑیوں میں آتشزدگی، کے الیکٹرک کا اظہارِ افسوس

  

کراچی (اسٹاف رپورٹر)گلشن اقبال میں شانتی نگر کے قریب کچی آبادی کی جھونپڑیوں میں لگنے والی آگ پر کے الیکٹرک نے افسوس کا اظہار کیا ہے۔ترجمان کے الیکٹرک نے اپنے بیان میں کہا کہ میڈیا سے ملنے والی اطلاعات کے مطابق واقعہ بظاہر شارٹ سرکٹ کی وجہ سے پیش آیا۔انہوں نے کہا کہ جس جگہ واقعہ رونما ہوا وہاں کے الیکٹرک کا انفراسٹرکچر موجود نہیں۔ترجمان کے الیکٹرک نے کہا کہ آگ کی اطلاع ملتے ہی ہنگامی بنیادوں پر علاقے کی بجلی منقطع کردی گئی۔انہوں نے کہا کہ  واقعے سے متعلق مزید تحقیقات جاری ہیں۔واضح رہے کہ کراچی کے علاقے شانتی نگر میں جھونپڑیوں میں آگ لگنے سے جاں بحق ہونے والوں کی تعداد 5 ہوگئی جن میں 4 بہن بھائی شامل ہیں۔مرنے والوں میں 12 سال کی صائمہ، 11 سال کا فرحان، 9 سال کا کامران، 8 سال کی طیبہ اور 4 سالہ زیبا شامل ہیں۔

مزید :

پشاورصفحہ آخر -