کڈنی،لیور انسٹیٹیوٹ میں سیکیورٹی کیمرے لگائیں گے،محمد علی رندھاوا
لاہور(اپنے نمائندہ سے) کمشنر لاہور و ڈی جی ایل ڈی اے محمد علی رندھاوا نے پاکستان کڈنی اینڈ لیور ٹرانسپلانٹ کا دورہ کیا۔ کمشنر لاہور محمد علی رندھاوا نے کہا کہ پنجاب سیف سٹی اتھارٹی پی کے ایل آئی میں سکیورٹی کیلئے کیمرے لگائے گی۔ کمشنر لاہور نے کہا کہ پی کے ایل آئی کے سامنے ایریا میں صرف پھولدار و پھلدار توانا پودے لگیں گے۔ کمشنر لاہور نے پی کے ایل آئی کے گرد بجلی کی تمام تاریں ایک ہفتہ میں انڈر گراونڈ کرنے کا حکم دیا۔ انہوں نے پی کے ایل آئی کے سامنے گرین بیلٹس سے تمام کنٹینرز کو فوری ہٹانے کا حکم بھی دیا۔ کمشنر لاہور نے کہا کہ پی کے ایل آئی کامانومنٹ نیا ڈیزائین کیا جائے۔ ماہرین منظوری دیں گے۔ کمشنر لاہور نے شائننگ اینڈ گرین گروپ کے تحت تمام محکمے کو پی کے ایل آئی طلب کیا۔آج سرسبز روشن صاف مہم پر کام کرینگے۔ کمشنر لاہور نے کہا کہ پی کے ایل آئی تک سپیڈو بس سروس کیلئے پلاننگ کی جائیگی۔ کمشنرلاہور نے چیئرمین پی کے ایل آئی ڈاکٹر سعید اختر کے ہمراہ ہسپتال سے متصل سڑکوں پر جاری کاموں کا جائزہ لیا۔کمشنر لاہور نے پاکستان کڈنی اینڈ لیور انسٹیٹیوٹ پی کے ایل آئی کے گرد اپروچنگ روڈز پر ترقیاتی کاموں کیلئے ڈیڈ لائن مقرر کرتے ہوئے کہا کہ 24/7ترقیاتی کاموں کو جاری رکھا جائے۔ معیار پر کمپرومائز نہیں ہونا چاہیے۔ کمشنر لاہور نے پاکستان کڈنی اینڈ لیور ٹرانسپلانٹ سے متصل سڑک، گرین بیلٹ کی خوبصورتی، یو ٹرن توسیع پر جاری کام کا جائزہ لیا۔چیف انجینئر ٹو مظہر حسین اور پراجیکٹ ڈائریکٹرز نے منصوبے کی پیش رفت پر بریفنگ دی۔ سی ای او نالج پارک ڈاکٹر مائرہ، اے سی کینٹ و دیگر افسران بھی اس موقع پر موجود تھے۔
