نیازی کو مذاکرات کی پیشکش دینا پی ڈی ایم کا فیصلہ نہیں‘حافظ حمد اللہ
اسلام آباد (این این آئی)پاکستان ڈیموکریٹک موومنٹ کے ترجمان حافظ حمد اللہ نے کہا ہے کہ وزیر قانون اعظم نذیر تارڑ، وزیراعظم شہباز شریف کی جانب سے عمران خان کو مذاکرات کی پیشکش دینا پی ڈی ایم اور اتحادی جماعتوں کا فیصلہ نہیں سماجی رابطے کی ویب سائٹ ٹویٹر پر موجودہ صورتحال کے حوالے سے جاری کیے گئے بیان میں حافظ حمد اللہ نے کہا کہ چند منٹ میں آٹھ ضمانتیں دینا دنیا کا تیز ترین انصاف ہے مبارک ہو پاکستانیوں۔ عدالتی تاریخ میں عمران خان کے لیے ضمانتوں کا اتوار بازار لگایا گیا اب زخمی ہونے والے پولیس اہلکاروں کو حکم دینا باقی ہے کہ وہ زمان پارک جا کر عمران خان سے معافی مانگیں پی ڈی ایم کے ترجمان نے کہا کہ عدالت، ریاست، قانون اور ریاستی فورس سے لڑنا عمران خان کے مطابق جہاد ہے۔
حافظ حمداللہ
