پاکستان سپر لیگ آئی پی ایل سے بڑی لیگ بن چکی، نجم سیٹھی کا دعویٰ
لاہور(سپورٹس رپورٹر)پاکستان کرکٹ بورڈ مینجمنٹ کمیٹی کے چیئرمین نجم سیٹھی نے دعویٰ کیا ہے کہ پی ایس ایل آئی پی ایل سے بڑی لیگ بن چکی ہے۔لاہور کے قذافی سٹیڈیم میں میڈیا کے نمائندوں سے خصوصی گفتگو کرتے ہوئے نجم سیٹھی نے کہا میڈیا ریٹنگ میں پاکستان سپر لیگ(پی ایس ایل) انڈین پریمئرلیگ (آئی پی ایل) سے بڑی لیگ بن گئی ہے۔ آئی پی ایل کی ایک سو تیس ڈیجیٹل ریٹنگ پرہے جبکہ پی ایس ایل کی اس بار ایک سو پچاس ڈیجیٹل ریٹنگ آئی ہے جو اس لیگ کی دنیا بھر میں مقبولیت کا بڑا ثبوت ہے۔انہوں نے کہا لیگ کے دوران مجموعی طور پر 80 فیصد سے پرویز زائد ٹرن آوٹ رہا، بڑی تعداد میں سٹیڈیم آمد پر شائقین کے شکر گزار ہیں، لیگ کے کامیاب انعقاد پر خوش اور اللہ کے شکر گزار ہیں۔ لیگ کے انعقاد میں تعاون پر وفاقی و صوبائی حکومتوں سمیت تمام اداروں کے شکرگزار ہیں، مداحوں کی سپورٹ کے بغیر لیگ کامیاب نہیں ہوسکتی۔22 دسمبر کو چارج سنبھا لاتو لیگ کی افتتاحی تقریب کی کوئی تیاری نہیں تھی، خود تمام انتظامات کی نگرانی کی۔ہمیں اب یقین ہوگیا ہے ہم دنیا کے کسی بھی خطے میں لیگ کرواسکتے ہیں،انہوں نے مزیدکہا لیگ کے کچھ میچز امریکہ میں کروانے کے بارے میں کہا جارہا ہے، اگر موقع ملاتووہاں میچز کروانے کا سوچیں گے۔ نجم سیٹھی کے مطابق پی سی بی وفاقی حکومت کو بھاری بھرکم رقم ٹیکسز کی مد میں ادا کرتا ہے، لیگ میں پچز کا معیار بہترین تھا،بڑے اچھے نتائج ملے ہیں۔پچز کے معیار سے ثابت ہوگیا ہمیں پچز کیلئے کسی غیر ملکی کیوریٹر کی ضرورت نہیں۔
نجم سیٹھی
