لاہور کی سڑکوں سے فوری طور پر کنٹینر ہٹانے کا حکم
لاہور(خصوصی رپورٹ)مدینہ فاؤنڈیشن کے تعاون سے حضرت داتا گنج بخش کے مزار کی توسیع کا معاہدہ طے پاگیا،وزیراعلیٰ آفس میں معاہدے پر دستخط کی تقریب منعقدہوئی۔ نگران وزیراعلیٰ پنجاب محسن نقوی اور چیئرمین داتادربار مذہبی امور کمیٹی وفاقی وزیر خزانہ اسحاق ڈارمعاہدے پر دستخط کی تقریب کے مہمان خصوصی تھے۔دستخط کے بعد خطیب داتادربار مسجدمفتی محمدرمضان سیالوی نے خصوصی دعا کرائی۔ معاہدے کے مطابق مدینہ فاؤنڈیشن حضرت داتا گنج بخش کے مزار کے گرد برآمدوں (غلام گردش) کی توسیع کرے گی۔ منصوبے پر تقریباً 16کروڑ روپے خرچ ہوں گے۔منصوبے کی تکمیل سے غلام گردش اور ان برآمدوں میں زائرین کی گنجائش 3 ہزار سے بڑھ کر 5 ہزار ہو جائے گی۔نیسپاک بطور مشاورتی فرم خدمات سرانجام دے گی۔داتا دربار برآمدوں کی توسیع سے زائرین کیلئے آسانیاں پیدا ہوں گی۔وزیراعلیٰ محسن نقوی نے منصوبے کو حضرت داتا گنج بخش کے عرس سے قبل مکمل کرنے کی ہدایت کی۔وزیراعلیٰ محسن نقوی نے کہاکہ حضرت داتا گنج بخش کے لنگر خانے کے انتظام کو عالمی معیار کا بنایاجائے۔لنگر کے معیار کو بھی بہتر بنانے کی ضرورت ہے۔وفاقی وزیراسحاق ڈار نے کہاکہ اللہ تعالیٰ کا شکر ادا کرتا ہوں کہ حضرت داتا گنج بخش کے مزار کی توسیع کے معاہدے کی سعادت حاصل ہوئی ہے۔ توسیع سے زائرین کے لئے سہولتوں میں اضافہ ہوگا۔ سیکرٹری اوقاف نے وزیراعلیٰ محسن نقوی اوروفاقی وزیرخزانہ اسحاق ڈار کو منصوبے کے بارے میں بریفنگ دی۔صوبائی وزیر اوقاف اظفر علی ناصر،مدینہ فاؤنڈیشن کے میاں رشید، اسلم ترین، سیکرٹری اوقاف، خطیب داتادربار مسجدمفتی محمدرمضان سیالوی اوردیگر حکام بھی اس موقع پر موجود تھے۔ محسن نقوی نے محکمہ پرائمری اینڈ سیکنڈری ہیلتھ کیئر کا دورہ کیا- وزیراعلیٰ محسن نقوی نے مختلف شعبوں، ٹی بی لیب اور ڈرگ ٹیسٹنگ لیبز کا وزٹ کیا۔ وزیراعلیٰ محسن نقوی نے سرویلنس سنٹر کا بھی معائنہ کیا۔ وزیر اعلیٰ محسن نقوی نے رورل ہیلتھ ایمبولینس سروس کے تحت 98 ایمبولینس کی چابیاں صوبائی وزیر پرائمری اینڈ سیکنڈری ہیلتھ ڈاکٹر جمال ناصر کو دیں۔ وزیراعلیٰ محسن نقوی نے300 الٹراساؤنڈ مشین 24/7 بنیادی مراکز صحت کے سپرد کر دیں۔300 الٹراساؤنڈ مشین کے ذریعے رورل ہیلتھ سنٹرز میں الٹراساؤنڈ کی مفت سہولت فراہم کی جائے گی۔ وزیراعلیٰ محسن نقوی نے 20 مارچ سے پنجاب بھر میں ہفتہ صحت منانے کا اعلان کیا۔ ہفتہ صحت کے دوران ڈسٹرکٹ و تحصیل ہیڈکوارٹر ہسپتالوں، دیہی و بنیادی مراکز صحت میں عوام کی سکریننگ کی جائے گی۔ مفت طبی معائنے کیلئے خصوصی کیمپس لگائے جائیں گے۔ وزیراعلیٰ محسن نقوی نے ہیلتھ انفارمیشن اینڈ سروس ڈلیوری یونٹ (HISDU) اور ہیلتھ ریڈیو سٹیشن کا سنگ بنیاد رکھا۔ HISDU کی تعمیر کے بعد سرکاری ہسپتالوں کا نظام ڈیجیٹلائزڈ ہوجائے گا۔ وزیراعلیٰ محسن نقوی نے پنجاب ایڈز کنٹرول پروگرام کے پراجیکٹ ڈائریکٹر ڈاکٹر فاروق احمد کو ایڈوانس لیب کا آئی ایس او سرٹیفکیشن دیا۔ وزیراعلیٰ محسن نقوی نے تحصیل ہیڈکوارٹر ہسپتالوں کیلئے انیستھیزیا مینجمنٹ سسٹم اور پنجاب بھر کے2 ہزار بنیادی مراکز صحت کیلئے الیکٹرانک میڈیکل ریکارڈ پروگرام لانچ کیا۔ وزیراعلیٰ محسن نقوی کو بریفنگ کے دوران بتایا گیا کہ محکمہ صحت کی پانچ ڈی ٹی ایل نے ISO سرٹیفائیڈ اور 4 ڈبلیو ایچ او پری کوالیفائڈ سرٹیفکیشن حاصل کرلیا ہے۔وزیر اعلیٰ محسن نقوی کی جانب سے محکمہ صحت میں ڈی ٹی ایل کی ڈبلیو ایچ او کی سرٹیفکیشن اور ڈیجیٹل نظام متعارف کرانے پر صوبائی وزیر صحت ڈاکٹر جمال ناصر اور سیکرٹری علی جان خان کی خدمات کو سراہا۔وزیراعلیٰ محسن نقوی نے ٹی بی کنٹرول اور ہیپاٹائیٹس کنٹرول پروگرامز کی کارکردگی کا بھی جائزہ لیا۔ صوبائی وزیر ڈاکٹر جمال ناصر اور سیکرٹری علی جان خان کی جانب سے HISDU، ریڈیو سٹیشن، رورل ایمبولینس سروس اور دیگر پروگرامز کے بارے میں وزیراعلیٰ محسن نقوی کو بریفنگ دی گئی۔ سیکرٹری اطلاعات اور دیگر حکام بھی اس موقع پر موجود تھے۔
محسن نقوی
