امریکی سفیر ڈیوڈ ہیل کی سبیکا کے اہل خانہ سے اظہارتعزیت
اسلام آباد (ڈیلی پاکستان آن لائن) پاکستان میں تعینات امریکی سفیر ڈیوڈ ہیل نے ٹیکساس سکول میں فائرنگ سے جاں بحق سبیکاعزیز شیخ کے اہل خانہ سے بذریعہ فون تعزیت کا اظہار کیا ہے۔
This morning, I called the family of Sabika Sheikh and offered my deepest condolences. All of us at the U.S. Mission in Pakistan are devastated by and mourn her loss. We will honor her memory. #AmbHale #USEmbassyISB pic.twitter.com/Q8ZhF27gGz
— US Embassy Islamabad (@usembislamabad) May 19, 2018
سوشل میڈیا پر اپنے پیغام میں امریکی سفیر ڈیوڈ ہیل نے کہا کہ سبیکا شیخ سمیت تمام طالب علموں کے قتل پر امریکی سفارتخانے کے تمام افراد رنجیدہ ہیں۔انہوں نے مقتول سبیکا شیخ کو خراج عقیدت پیش کرتے ہوئے کہا کہ یوتھ ایکسچینج پروگرام کا حصہ ہونے کے تحت سبیکا نوجوانوں کی سفیر تھیں اور وہ پاکستان اور امریکہ کے درمیان پل کی طرح کا کردار تھا۔
خیال رہے امریکی ریاست ٹیکساس کے سانتافی سکول میں طالبعلم کی فائرنگ سے پاکستانی طالبہ سبیکا عزیز شیخ بھی جاں بحق ہوگئی تھیں،وہ یوتھ ایکسچینج اینڈ سٹڈی پروگرام کے تحت سکالر شپ پر ٹیکساس گئی تھی۔