بیگمات کے نام پر پیسے وصول کرنیوالے 8 افسر گرفتار

بیگمات کے نام پر پیسے وصول کرنیوالے 8 افسر گرفتار
بیگمات کے نام پر پیسے وصول کرنیوالے 8 افسر گرفتار

  

گلگت (ویب ڈیسک) گلگت بلتستان میں گزشتہ 8 سال سے بیگمات کے نام پر بے نظیر انکم سپورٹ پروگرام سے پیسے وصول کرنیوالے 42 سرکاری اہلکاروں اور عہدیداروں میں سے 8 کو ایف آئی اے کی ٹیم نے گلگت سے گرفتار کر کے مقدمات درج کر لیے ہیں، باقی ماندہ آفیسرز کی گرفتاری کے لیے چھاپہ مار ٹیمیں تشکیل دے دی گئی ہیں۔

دنیا نیوز کے مطابق ملزمان میں محکمہ تعلیم، صحت اور اے جے پی آر سے گریڈ 17 سے لیکر گریڈ 21 تک کے 42 آفیسرز شامل ہیں جو اپنی بیگمات کے نام پر آٹھ سال میں 42 لاکھ سے زائد رقم وصول کرچکے ہیں، ایف آئی اے ٹیم نے نادرا ریکارڈ اور بی آئی ایس پی ریکارڈ کی مدد سے ملوث افسران کے خلاف مقدمات درج کیے ہیں۔

چینل ذرائع کے مطابق حالیہ ماہ محکمہ تعلیم، صحت اور پولیس سمیت نجی بینک کے گریڈ 17 سے گریڈ 21 کے عہدیداروں سے تقریباً 7 لاکھ روپے ریکوری کی گئی جبکہ ان کے نام صیغہ راز میں رکھے جا رہے ہیں، وصول شدہ رقم بی آئی ایس پی پروگرام کے اکائونٹس میں جمع کی جا رہی ہے۔

مزید :

علاقائی -گلگت بلتستان -گلگت -