ترک ڈرامے ’ارطغرل غازی‘ کی پاکستان میں نشریات، مہوش حیات کو بھی ایک مرد اداکار پسند آگیا

ترک ڈرامے ’ارطغرل غازی‘ کی پاکستان میں نشریات، مہوش حیات کو بھی ایک مرد ...
ترک ڈرامے ’ارطغرل غازی‘ کی پاکستان میں نشریات، مہوش حیات کو بھی ایک مرد اداکار پسند آگیا

  

کراچی (ویب ڈیسک) پاکستان فلم و ٹی وی انڈسٹری کی معروف اداکارہ و تمغہ امتیاز مہوش حیات نے ترک سیریز ’دیرلیش ارطغرل‘ میں بہادر جنگجو ’ارطغرل‘ کا مرکزی کردار ادا کرنے والے انجین التان کو اپنا کرش قرار دیتے ہوئے مائیکرو بلاگنگ سائٹ ٹوئٹر پر پیغام جاری کردیا۔

ٹوئٹر پر جاری کردہ پیغام میں مہوش حیات نے گزشتہ دنوں سے سوشل میڈیا پر ’ارطغرل غازی‘ کے حوالے سے چلنے والی مثبت اور منفی بحث سے لاتعلقی کا اظہار کرتے ہوئے کہا کہ ’مجھے نہیں معلوم کہ کیا بحث چل رہی ہے لیکن یہاں میں ایک بات کو تسلیم کررہی ہوں کہ ڈرامہ ’ارطغرل غازی‘ ایک تاریخی اہمیت رکھتا ہے۔‘

مہوش حیات نے کہا کہ ’ارطغرل غازی ایک معلوماتی ڈرامہ ہے جس میں عظیم اخلاقیات کے اسباق سکھائے گئے ہیں۔‘اداکارہ نے لکھا کہ ’انجین التان بھی امریکی اداکار لیو نارڈو ڈی کیپریو کی طرح ہینڈ سم اور پرکشش ہیں۔‘انہوں نے اپنے ٹوئٹ میں ہیش ٹیگ CrushUpdated کا بھی استعمال کیا۔

یاد رہے کہ اِس ترک سیریز کا مرکزی کردار ’ارطغرل‘ ہے جو قائی قبیلے کے سردار ’سلیمان شاہ‘ کا بیٹا اور سلطنت عثمانیہ کے بانی’عثمان اول‘ کے والد ہیں۔’دیرلیش ارطغرل‘ میں دِکھایا گیا ہے کہ کس طرح بہادر جنگجو ’ارطغرل‘ اللّہ تعالیٰ پر اپنے یقین اور اپنی طاقت سے اسلامی فتوحات حاصل کرنے میں کامیاب ہوتا ہے۔

مزید :

تفریح -