فٹ بال میچ کے دوران تماشائیوں کی جگہ سٹیڈیم میں جنسی گڑیائیں بٹھانے پر ہنگامہ

فٹ بال میچ کے دوران تماشائیوں کی جگہ سٹیڈیم میں جنسی گڑیائیں بٹھانے پر ہنگامہ
فٹ بال میچ کے دوران تماشائیوں کی جگہ سٹیڈیم میں جنسی گڑیائیں بٹھانے پر ہنگامہ

  

سیﺅل(مانیٹرنگ ڈیسک) کورونا وائرس کی وجہ سے کھیلوں کے مقابلوں میں تماشائیوں کے جمع ہونے پر پابندی ہے۔ گزشتہ دنوں جنوبی کوریا میں فٹ بال کاایک میچ ہوا اور اس دوران فٹ بال ٹیم نے اس پابندی کا ایسا حل نکالا کہ ہنگامہ برپا ہو گیا۔ ٹائمز آف انڈیا کے مطابق یہ میچ ایف سی سیﺅل اور گوانگ ژو ایف سی کے درمیان کھیلا گیا۔ سٹیڈیم میں کھلاڑیوں کے علاوہ کوئی بھی نہیں تھا۔ اس پر سیﺅل کلب کی ٹیم نے اپنی طرف کی سیٹوں پر جنسی گڑیائیں لا کر مختلف پوز میں کھڑی کر دیں اور بٹھا دیں جیسے وہ تماشائی ہوں اور اپنی ٹیم کو داد دے رہی ہوں۔

رپورٹ کے مطابق ان جنسی گڑیاﺅں کو ٹیم کے جیسا ہی لباس پہنایا گیا تھا اور ان کی انگلیوں سے ’وکٹری‘ کا نشان بنایا گیا تھا۔ میچ کی ویڈیوز سوشل میڈیا پر آئیں تو ملک میں ہنگامہ برپا ہو گیا اور اس غیراخلاقی حرکت پر ایف سی سیﺅل کو کڑی تنقید کا نشانہ بنایا جانے لگا جس پر کلب کی طرف سے معافی مانگ لی گئی تاہم ان کا کہنا تھا کہ یہ جنسی گڑیائیں نہیں تھیں بلکہ عام ڈمی تھیں۔ حکام نے اس حوالے سے تحقیقات کا بھی آغاز کر دیا ہے۔

مزید :

ڈیلی بائیٹس -