راولپنڈی رنگ روڈ سکینڈل کی تحقیقات مکمل،اڑھائی ارب روپے سے زائد کی کرپشن کا چالان جمع
لاہور(ڈیلی پاکستان آن لائن )راولپنڈی رنگ روڈ سکینڈل کی تحقیقات مکمل ہو گئیں ،اینٹی کرپشن کی جانب سے اڑھائی ارب روپے سے زائد کی کرپشن کاچالان عدالت میں جمع کر ا دیا گیا ہے ۔
نجی ٹی وی "سماء" کے مطابق لاہور اینٹی کرپشن نے مکمل چالان عدالت میں جمع کرا دیا ہے ،چلان میں سابق کمشنرراولپنڈی محمد محمود،وسیم تابش اور عبداللہ کو ملزم نامزدکیا گیا ہے ،اینٹی کرپشن کی جانب سے 30سے زائد گواہ چالان میں نامزدکیے گئے ہیں ۔ چالان جمع ہونے کے بعد سابق کمشنر نے بریت کی درخواست دائر کر دی ۔
