محمود خان اچکزئی خواجہ سراﺅں کیلئے میدان میں آ گئے ،حکومت سے بڑا مطالبہ کر دیا
اسلام آباد(مانیٹرنگ ڈیسک)پختون خواہ ملی عوامی پارٹی کے سربراہ محمود خان اچکزئی بھی عورتوں کے بعد خواجہ سراﺅں کے حق میں میدان میں آئے گئے ہیں اور انہیں پارلیمنٹ میں مخصوص نشستوں پر نمائندگی دینے کا مطالبہ کر دیاہے ۔
تفصیلات کے مطابق محمود خان اچکزئی کا کہناتھا کہ سیالکوٹ میں خواجہ سرا پر تشدد کے واقعے کی سخت مذمت کرتے ہوئے کہا کہ حکومت خواجہ سراﺅں کیلئے پارلیمنٹ میں خواجہ سراﺅں کیلئے مخصوص نشستیں مختص کرے ۔انہوں نے کہا کہ پارلیمنٹ سے اس وحشیانہ تشدد کے واقعے پر مذمت کا پیغام جانا چاہیے اور خواجہ سراﺅں کے حقوق کے تحفظ کیلئے قانون بنایا جانا چاہیے ۔
واضح رہے کہ سیالکوٹ میں خواجہ سرا پر وحشیانہ تشدد کرنے والے مرکزی ملزم سمیت 10افراد کو حراست میں لے کر قانونی کارروائی کاآغازکر دیا گیاہے ۔
