بول ٹی وی اور عامر لیاقت کی لڑائی میں حمزہ علی عباسی بھی کود پڑے، ایسی بات کہہ دی جس کی کسی کو توقع نہ تھی
کراچی (ڈیلی پاکستان آن لائن) معروف اینکر پرسن ڈاکٹر عامر لیاقت حسین کی جانب سے الزام عائد کیا گیا ہے کہ بول ٹی وی پر بیٹھ کر انہوں نے انتظامیہ کے کہنے پر لوگوں کی پگڑیاں اچھالیں ۔ عامر لیاقت حسین کے اس الزام کے بعد یہ سوال اٹھنے لگے ہیں کہ چینل پر کام کرنے والے باقی تمام اینکرز کو بھی انتظامیہ ہی ہدایات دیتی ہوگی ۔ اسی الزام سے بچنے کیلئے بول ٹی وی کے اینکر حمزہ علی عباسی بھی میدان میں آگئے اور اپنا معاملہ کلیئر کردیا۔
حمزہ علی عباسی نے ٹوئٹر پر اظہار خیال کرتے ہوئے کہا کہ اس اللہ کی قسم جس کے قبضہ قدرت میں میری جان، مال اور عزت ہے، بول ٹی وی پر جو بھی لفظ میں بولتا ہوں وہ میرے اپنے ہوتے ہیں۔ میں جس بھی رائے کا اظہار کرتا ہوں وہ میری روح اور دل کی نمائندگی کرتی ہے، چینل کی طرف سے کبھی بھی مجھے ڈکٹیٹ نہیں کیا گیا۔ انہوں نے کہا کہ وہ کبھی بھی چند پیسوں کیلئے ایسا کوئی قدم نہیں اٹھائیں گے جو ان کے ضمیر کے خلاف اور لوگوں کی گمراہی کا باعث بنے۔
By Allah in whose hands my life, izzat & rizq is, every word i speak on BOL is my own, i believe in every opinion i express with all my heart & soul, the channel has never given me any dictation. I would never deceive ppl by saying anything i dont believe in just for some money.
— Hamza Ali Abbasi (@iamhamzaabbasi) November 19, 2017
Dont want to be a part of the whole Amir Liaquat controversy but had to clarify this. https://t.co/n0a73w6ROv
— Hamza Ali Abbasi (@iamhamzaabbasi) November 19, 2017
حمزہ علی عباسی نے عامر لیاقت حسین کے الزام پر کہا کہ وہ اس جھگڑے کا حصہ نہیں بننا چاہتے، انہوں نے صرف خود کو کلیئر کرنے کیلئے یہ ٹویٹ کی۔ انہوں نے کچھ ٹویٹس کے جواب بھی دیے جن میں انہوں نے واضح طور پر کسی بھی پرامپٹر سے دیکھ کر پروگرام کرنے کی تردید کی ہے۔
Nops
— Hamza Ali Abbasi (@iamhamzaabbasi) November 19, 2017
واضح رہے کہ پرامپٹر ایک سکرین ہوتی ہے جو اینکر کے سامنے رکھی جاتی ہے جس سے دیکھ کر وہ خبریں پڑھتا یا پروگرام کے دوران کوئی رپورٹ پیش کرتا ہے۔ اس سکرین پر پہلے سے لکھا ہوا سکرپٹ جلی حروف میں چلتا ہے تاکہ اینکر کو کسی دقت کا سامنا نہ کرنا پڑے۔
