ملکی ترقی کیلئے وزیر اعظم،آرمی چیف رابطے ضروری،حکومت اور فوج میں کوء اختلاف نہیں:میجر جنرل آصف غفور

ملکی ترقی کیلئے وزیر اعظم،آرمی چیف رابطے ضروری،حکومت اور فوج میں کوء اختلاف ...

  



راولپنڈی(مانیٹرنگ ڈیسک،نیوزایجنسیاں) پاک فوج کے شعبہ تعلقات عامہ کے ڈائریکٹر جنرل میجر جنرل آصف غفور کا کہنا ہے کہ حکومت اور فوج کے درمیان کوئی اختلاف نہیں ہے۔نجی ٹی وی سے بات چیت کرتے ہوئے آئی ایس پی آر کے ڈی جی نے تمام قیاس آرائیوں کو مسترد کرتے ہوئے کہا کہ وزیراعظم عمران خان اور آرمی چیف جنرل قمر جاوید باجوہ دونوں ایک پیج پر ہیں۔ دونوں آپس میں رابطے میں ہیں۔میجر جنرل آصف غفور کا کہنا تھا کہ دونوں کے درمیان جب بھی ضروری ہوتا ہے ملاقاتیں ہوتی ہیں۔ وزیراعظم اور آرمی چیف کے درمیان کچھ ملاقاتیں رپورٹ ہوتی ہیں کچھ نہیں ہوتیں۔ حکومت سے ریاستی امور پر کوئی دو رائے نہیں ہے۔پاک فوج کے شعبہ تعلقات عامہ کے ڈائریکٹر جنرل کا کہنا ہے کہ پاکستان کی ترقی کیلئے ضروری ہے دونوں (وزیراعظم، آرمی چیف) رابطے میں رہیں، ملاقاتیں معمول کا حصہ ہیں مگر یہ علیحدہ بات ہے کہ ہر ملاقات رپورٹ نہیں ہوگی۔آئینی ذمہ داری کے تحت جمہوری حکومت کی حمایت کر رہے ہیں۔

  میجر جنرل آصف غفور

مزید : صفحہ اول