حمزہ علی عباسی اور رابی پیرزادہ کے بعد ایک اور اداکارہ نے شوبز کو خیرباد کہہ دیا

حمزہ علی عباسی اور رابی پیرزادہ کے بعد ایک اور اداکارہ نے شوبز کو خیرباد کہہ ...

  



لاہور(ویب ڈیسک) ماڈل و اداکار ثنا نور نے بھی شوبز انڈسٹری کو خیرباد کہنے کا اعلان کر دیا۔ایک کے بعد ایک اداکار و ماڈل شوبز انڈسٹری کو خیر باد کہنے لگے۔

پاکستانی ماڈل و اداکار ثنا نور نے دوسری بار عمرے کی سعادت حاصل کرنے کے بعد وطن واپسی پر کہا کہ میں خود کو خوش قسمت سمجھتی ہوں جس نے دو بار عمرہ کرنے کی سعادت حاصل کی۔انہوں نے کہا کہ میرا اب شوبز میں کام کرنے کو دل ہی نہیں کرتا ہے اس لیے میں اب شوبز سے کنارہ کشی کرتے ہوئے مکمل طور پر گھریلو زندگی گزاروں گی۔

ثنا نور نے کہا کہ میں نے شوبز میں جتنا بھی کام کیا عزت سے کیا اور کوئی بھی ایسا کام نہیں کیا جس پر مجھے شرمندگی اٹھانا پڑی ہو۔ اب میں عزت سے ہی شوبز کو مکمل طور پر خیرباد کہہ رہی ہوں۔واضح رہے کہ چند روز معروف گلوکارہ رابی پیر زادہ، نمل خاور عباسی اور پھر حمزہ علی عباسی بھی شوبز انڈسٹری کو خیرباد کہہ چکے ہیں۔

مزید : تفریح