خاد م حسین رضوی زندہ ہو گئے؟ سوشل میڈیا صارف کا دعویٰ، بعد میں انتقال کی تصدیق

خاد م حسین رضوی زندہ ہو گئے؟ سوشل میڈیا صارف کا دعویٰ، بعد میں انتقال کی ...
 خاد م حسین رضوی زندہ ہو گئے؟ سوشل میڈیا صارف کا دعویٰ، بعد میں انتقال کی تصدیق

  

لاہور(ڈیلی پاکستان آن لائن) علامہ خادم حسین رضوی صاحب کے قریب ترین شاگرد احمد رضا چشتی اور صحافی اظہار اللہ  کے مطابق علامہ خادم حسین رضوی صاحب کی سانس بحال ہو گئی  اور انہیں دوبارہ ہسپتال منتقل کردیا گیا ہے  تاہم بعد میں ان کے انتقال کی تصدیق ہوگئی ، مختلف شہروں سے ان کی نماز جنازہ میں شرکت کے لیے تحریک لبیک کے کارکنان لاہور پہنچ رہے ہیں اور ان کی نماز جنازہ ، نماز ہفتہ کی صبح 11 بجے مینار پاکستان گرائونڈ میں ہوگی ۔ 

تفصیلات کے مطابق تحریک لبیک کے سربراہ علامہ خادم حسین رضوی کے اچانک انتقال کی خبر پاکستان سمیت دنیا بھر میں جنگل کی آگ کی طرح پھیل گئی ہے،سیاسی جماعتوں اور مذہبی رہنماؤں کی جانب سے علامہ خادم حسین رضوی کے انتقال پر تعزیت کا سلسلہ بھی شروع ہو چکا ہے ،امیر جماعت اسلامی سینیٹر سراج الحق ،وزیر اعظم کے معاون خصوصی علامہ طاہر محمود اشرفی ،علامہ اورنگزیب فاروقی ،رکن قومی اسمبلی ڈاکٹر عامر لیاقت حسین،رکن پنجاب اسمبلی مولانا محمد معاویہ اعظم طارق سمیت ملک بھر کے سینئر صحافیوں نے مائیکرو بلاگنگ ویب سائٹ پر تعزیتی بیانات دینے شروع کر دیئے ہیں تاہم اس خبر نے اس وقت اہم موڑ لیا جب علامہ خادم حسین رضوی کے قریبی شاگرد احمد رضا چشتی اور صحافی اظہار اللہ نے بھی دعویٰ کیا کہ   اس طرح کی خبریں گردش کر رہی ہیں کہ علامہ خادم رضوی زندہ ہیں اور انہیں دوبارہ ہسپتال لے جا یا گیا ہے ، یہ کہانی سامنے آنے سے قبل ڈاکٹرز نے ان کے انتقال کا سرٹیفیکیٹ جاری کیا تھا - احمد رضا کے مطابق علامہ خادم رضوی کے انتقال کی خبروں کے بعد اچانک ان کی سانس بحال ہو گئی جس پر انہیں ہسپتال لے جا یا گیا ہےتاہم علامہ خادم رضوی کے اہل خانہ کی جانب سے تا حال اس بارے تصدیق نہیں کی گئی۔

بعد میں علامہ خادم حسین رضوی کے انتقال کی تصدیق کردی گئی  اور آج نماز جمعہ کے بعد ان کی نماز جنازہ ہوگی ۔ 

مزید :

اہم خبریں -علاقائی -پنجاب -لاہور -