پٹرول مصنوعا ت کی قیمتوں میں کمی کے باوجود ریلوے کرائے کم نہ ہو سکے

لاہور (لیڈی رپورٹر)حکومت کی جانب سے پٹرولیم مصنوعات کی قیمتوں میں کمی کے باوجود ریلوے مسافروں کو ریلیف نہ مل سکا،ڈیزل کی 6روپے47 پیسے فی لیٹر کمی کے باوجود مسافر ٹرینوں کے کرائے برقرار ہیں۔30 ستمبر سے 15 نومبر 2023 کے درمیان ڈیزل کی فی لیٹر قیمت میں مجموعی طور پر 32روپے 47 پیسے کمی ہوئی۔ 45روز میں تیسری بار ڈیزل کی قیمت کم ہونے کے باوجود ریلویز نے کرایے کم نہ کیے۔یکم اگست سے 15 ستمبر کے دوران ریلویز نے پٹرولیم مصنوعات کی قیمتیں بڑھنے پر کرایوں میں مجموعی طور 20 فیصد اضافہ کیا تھا۔