تیز پات کے پتوں سے باتھ روم کا ماحول خوشگوار !
ہر گھر کے باورچی خانے میں موجود مصالحوں میں تیز پات کا پتہ ہونا لازمی جز ہے کیونکہ اس کے بغیر پلاو_¿ اور قورمے کا ذائقہ نامکمل ہوتا ہے، لیکن یہ صرف کھانوں کو ہی نہیں بلکہ گھر بھر میں ایک خوشگوار خوشبو کا بھی احساس پیدا کر سکتے ہیں۔
واضح رہے کہ کھانے پکانے کی دنیا بھر میں تیز پتے کی ایک طویل تاریخ ہے ، پرانے دور میں اسے تاج بنانے کے لئے بھی استعمال کیا گیا جو شان و شوکت ، شہرت اور غیر معمولی صلاحیت کی علامت ہے۔مارکیٹ میں تیز پتے کا پاو_¿ڈر اور پورے پتے دونوں شکلوں میں دستیاب ہوتے ہیں۔ عام طور پر یہ پکوانوں کو ایک منفرد ذائقہ اور خوشبو دینے کے لئے استعمال ہوتے ہیں۔اکثرلوگ باتھ روم یا بیت الخلاءمیں تیز پتے( بے لیوز) رکھتے ہیں۔ باتھ روم میں ان پتوں کے رکھنے کا کیا فائدہ ہے؟ آئیے جانتے ہیں:
ٹوائلٹ سے بدبو کا خاتمہ:اگر آپ اپنے بیت الخلاءسے نکلنے والی ہر قسم کی بدبو سے مسلسل پریشان ہیں جیسے سیور کی بدبو ، تو اس کا ایک آسان حل موجود ہے، وہ یہ کہ ایک پلیٹ پر چند پتے (تیز پتوں کے) جلا کر اسے اپنے بیت الخلا میں کچھ منٹ کے لئے رکھ دیں۔ اس بات کا دھیان رکھیں کہ نزدیک کوئی ایسی چیز نہ ہو جو آگ پکڑ لے۔ اس لئے کوشش کریں کہ پتے ایک ساتھ نہ جلیں بلکہ آہستہ آہستہ جلیں۔ ان پتوں کی موجودگی سے آپ کو اپنے بیت الخلاءسے باہر خوشبو کے بخارات محسوس ہوں گے۔بیت الخلاءمیں تیز پتوں کا استعمال کرنے کا ایک اور محفوظ طریقہ بھی ہے، وہ یہ کہ کچھ پتے لیں اور انہیں کچھ دیگر خوشبودار خشک جڑی بوٹیوں کے ساتھ مکس کریں، پھر انہیں کسی کپڑے کے بیگ میں رکھ لیں اور اسے اپنے ٹوائلٹ شیلف پر رکھیں، اور خوشگوار خوشبو کا احساس پائیں۔ ان پتوں میں ادویاتی خصوصیات بھی موجود ہوتی ہیں، جیسے جراثیم کش ، اینٹی سوزش، اور اینلجیسیا وغیرہ۔ تیز پتوں سے حاصل ہونے والے ٹنکچر قوت مدافعت کو بڑھانے، وائرس سے لڑنے، کھانسی کو کم کرنے اور سانس کی بدبو کو دور کرنے کے لئے بھی استعمال کئے جاتے ہیں
