واٹس ایپ چینل بنانے کا طریقہ !
واٹس ایپ نے اپنے فیچر میں فیچر جون 2023ءمیں چینل بھی متعارف کرایا تھا جو اس وقت چند ممالک تک محدود رکھا گیا تھا، لیکن ستمبر میں اسے پاکستان سمیت دنیا بھر میں صارفین کے لیے پیش کر دیا گیا ہے۔اب صارفین اپنی پسند کی شخصیات، موضوعات اور دیگر کی اپ ڈیٹس کو چینلز کے ذریعے جان سکتے ہیں۔
چینلز کے ذریعے ٹیکسٹ، فوٹو، ویڈیو، سٹیکر اور پول وغیرہ کو بڑے پیمانے پر لوگوں سے شیئر کیا جاتا ہے۔ابھی یہ سہولت معروف شخصیات، برانڈز اور کمپنیوں تک محدود تھی، مگر اب عام صارفین بھی اپنا واٹس ایپ چینل تیار کر سکتے ہیں۔
کیا واٹس ایپ چینلز کی اپ ڈیٹس پر
صارفین ردعمل دے سکیں گے؟
واٹس ایپ کی جانب سے چینل تیار کرنے کا فیچر بتدریج صارفین کے لیے متعارف کرایا گیا ہے۔یہ فیچر اینڈرائیڈ اور آئی او ایس صارفین کو دستیاب ہوگا جس کے ذریعے وہ اپنے میسجز بہت زیادہ افراد کو بیک وقت بھیج سکیں گے۔
یہ فیچر کیسے استعمال کریں؟
آپ اپنا واٹس ایپ اوپن کریں اور اپ ڈیٹس ٹیب پر کلک کریں۔وہاں نیچے چینلز سیکشن میں پلس آئیکون پر کلک کریں، اگر یہ فیچر آپ کو دستیاب ہوگا تو وہاں Create Channel کا آپشن نظر آئے گا۔اس آپشن پر کلک کرنے پر آپ کے سامنے چینلز فیچر سے متعلق ہدایات اور اصول آجائیں گے جن کو پڑھ کر Continue پر کلک کریں۔اس کے بعد چینل آئیکون کا انتخاب کریں جبکہ اس کے نام اور ڈسپکرپشن کو بھی تحریر کریں۔جب یہ عمل مکمل ہو جائے تو Create Channel پر کلک کریں۔ آپ کا چینل تیار ہے۔
