پاکستان میں موسمیاتی تبدیلی سالانہ اربوں ڈالر کا نقصان کر رہی ہے :آئی ایم ایف

                                                                         کراچی(این این آئی) آئی ایم ایف نے پاکستان میں پبلک انویسٹمنٹ سے متعلق رپورٹ جاری کردی جس میں کہا گیا ہے پاکستان موسمیاتی تبدیلیوں کے انتہائی رسک والے ممالک میں شامل ہے۔ رپور ٹ کے مطابق سال2022کے سیلاب سے پاکستان میں3کروڑ لوگ متاثر ہوئے جبکہ سال2000سے پاکستان میں ہرسال موسمیاتی تبدیلی2ارب ڈالر کا نقصان کررہی ہے۔اس کے علاوہ ہرسا ل 500 افراد قدرتی آفات اور موسمیاتی تبدیلیوں سے ہلاک ہو رہے ہیں، پاکستان میں ہر سال40لاکھ افراد موسمیاتی تبدیلیوں سے متاثر ہورہے ہیں۔آئی ایم ایف کی رپورٹ میں کہا گیا ہے کہ پاکستان میں مو سمیا تی تبدیلیاں زراعت اور انفرااسٹرکچر کو تباہ کررہی ہیں، سال2050تک پاکستان کی معیشت قدرتی آفات سے9فیصد تک متاثر ہوسکتی ہے۔رپورٹ کے مطابق پاکستان میں موسمیاتی تبدیلیوں سے نمٹنے کےلئے بجٹ انتہائی ناکافی ہے، پاکستان ترقیاتی بجٹ میں موسمیاتی تبدیلیوں کے پروجیکٹس کو ترجیح دے۔آئی ایم ایف نے اپنی رپورٹ میں کہاہے پاکستان میں10ہزار ارب سے زائد کے ترقیاتی منصوبے ہیں، پاکستان کے ترقیاتی منصوبے بجٹ سے14گنا زیادہ ہیں، جاری تمام ترقیاتی منصوبوں کی تکمیل کےلئے14ترقیاتی بجٹ درکار ہیں۔

آئی ایم ایف